茶湯會 (新都城中心) (已結業)

一早听过朋友提及茶汤会既铁观音珍珠拿铁好饮，咁岩今日经过新都城，就黎试下系台湾开到过黎香港既茶汤会黎间分店系今年先进驻将军澳，店面比起好多台式饮品店都大，旁边有一排座位俾客人可以坐低饮下野，倾下计，店内装修既感觉都算简单舒服。见到除左饮品，仲有"珍珠奶茶热压多士"卖，可惜岩岩食左午餐太饱，只系买左杯最出名既铁观音珍珠拿铁。因为通常台式饮品都系太甜，所以叫左8分糖，少冰。价钱同其他台式饮品店差唔多，都可以接受。 成杯野饮味道较淡，本身谂住铁观音应该好香，但饮落茶味唔算好出，奶味亦唔系太浓，冻饮既话冰溶左之后味道就更加淡。不过珍珠份量都几多，细细粒软冧冧都几易入口。总括而言，味道都可以接受既，咁岩经过都可以一饮，但就唔建议特登走去试啦。