點心棧 (已結業)

旺角游客太多，好多时食肆都变晒快餐，最紧要煮得快、食得快，因为快就系赚得钱多，唔会理好唔好食。不过，有时太快的人生，都有想慢下来的时间。睇左咁多食评，目系新开，都入一入去试。点心选择不算多，不过有几款点心改左好有诗意o既名，睇完我都唔知系咩，好彩服务员态度良好，都会用心解释，而且睇返我张点心纸，原来好多有已经有图，我自己都唔为意。正如版取推荐，虾饺不错，饺边的皮都做得很薄，用料也不差；肠粉也非常薄皮。可是，感觉每样食物都是同一款馅料都是一样，无论饺和腐皮卷都是同一个味、类似的馅。说连义烧肠入面佢都加左脆肉瓜，o哗！，食到第三啖，口已经有少少闷。唔可以话佢唔好食，系真系"口寡"。或者系因为我得两个人，叫了太少种类吧！店内服务员都有礼貌，也很搅笑！我邻桌有位小朋友不要喝五花茶，说它非常苦，于是服务员就跟他说笑︰已落左好多好多糖，已经好甜啦！于是个细路又乖乖地饮左杯茶。食物虽然平凡，不过人情味搭够吧！