Urban Coffee Roaster (唐賢街)

营业中

休息中

平时跑步都会跑下将军澳海滨一带，近期呢度开始多商场餐厅开业，今日终于嚟试下其中一间。呢间Cafe门口对正个海，感觉几梳乎。叫咗两款Main同一款甜品：手撕猪肉配宾尼迪蛋、秘鲁烤鸡配野米饭、法式焦糖班戟。宾尼迪蛋本身自己都好钟意食，所以都一定会叫，但只系唔知拣边款，最后拣咗手撕猪肉。啲肉捞咗一啲有少少酸嘅汁，虽然食唔出系咩不过觉得同肉嘅味好夹。烤鸡鸡肉有啲瘦，我自己会钟意肥鸡多啲，贪有油香；但佢都有油捞落啲野米饭度，第一次食野米饭，觉得都几好食，有啲烟韧。焦糖班戟系唔错嘅，睇图以为系梳乎厘𠮶种，但应该系我自己误会咗。其实同蛋糕分别唔大，比班戟结实，而且有三大嚿，都好饱肚下，捞埋啲奶油焦糖整体嚟讲系香甜嘅，但建议夹咖啡或茶。价钱系有啲啲贵，但食物唔差，食环境都系返度。