海港酒家

营业中

休息中

每次去海港都大排长龙，等好耐先有位，今次有人去攞位先，去到啱啱好入座。我地三个人，叫左两个主食同一笼叉烧包，叉烧包无影到相，但系我记得馅儿唔多，味道普通，无咩特别。两个主食分别系黄金蟹肉大虾伊面同一口鲍鱼炒饭。呢个伊面味道上系值得称赞，食落几滑口，而且虾既份量同size都几足。唯一遗憾既系佢既「黄金」系碎红萝卜，有少少取巧。一口鲍鱼炒饭如果有去开海港饮茶，食过佢个鲍鱼烧卖就会知有几揾笨，鲍鱼好似手指甲咁细粒。但系佢呢个炒饭出奇地鲍鱼有五蚊银咁大，而且可以分到每碗饭都有鲍鱼，味道就无咩特别，但系饭炒得几干身，唔错。