影片
更多
2024-07-22
188 浏览
香港食到大阪烧嘅地方唔多，有时想食就会去铜锣湾 Hungry Monkey今次去见到佢哋有二人餐，抵食之余又可以储 Asia Miles，即刻 order一份本身套餐冇包嘢饮，但嚟呢啲居酒屋feel嘅餐厅，点都要叫返杯辣酒东风螺-好中式嘅前菜，东风螺煮到好入味，辣度唔算劲，一般人都接受到，辣嘅食物真系越食越过瘾青苹果蟹籽沙律-食蟹籽沙律就勾起食日本菜嘅回忆，但佢唔系用青瓜丝，改用青苹果丝，一样咁爽口，但就多咗一份酸甜，开胃好食唐阳南国凤尾-亦即系炸鸡尾，用炸嘅方式好处系可以逼走鸡尾嘅油粉，食落油腻感冇咁重，炸浆都好薄，咬落好脆口，送酒一流牛舌薄烧-用高温嘅铁板煎香薄切牛舌，再洒上葱花同炸蒜，虽然系薄切牛舌，但脂肪感一样爆灯，而且一啲都唔韧，应该系选用最靓嘅牛舌芯部份松叶蟹肉甲罗烧-甲罗烧通常都只系有蟹膏，今次混合埋蟹肉，口感更加丰富，而且配青瓜片一齐食，感觉更清新主角大阪烧上枱，里面混合咗章鱼粒，睇住师傅慢慢煎脆两边，再配上烧汁沙律酱木鱼丝等，视觉享受已经满分。入口表面嘅香脆同入边嘅湿润都做得非常平衡，可以自由加啲红姜丝或者紫菜丝，变化出唔同嘅食法A5和牛坑腩炒饭-首先将和牛坑腩薄切，
今次去见到佢哋有二人餐，抵食之余又可以储 Asia Miles，即刻 order一份
本身套餐冇包嘢饮，但嚟呢啲居酒屋feel嘅餐厅，点都要叫返杯
辣酒东风螺-好中式嘅前菜，东风螺煮到好入味，辣度唔算劲，一般人都接受到，辣嘅食物真系越食越过瘾
青苹果蟹籽沙律-食蟹籽沙律就勾起食日本菜嘅回忆，但佢唔系用青瓜丝，改用青苹果丝，一样咁爽口，但就多咗一份酸甜，开胃好食
唐阳南国凤尾-亦即系炸鸡尾，用炸嘅方式好处系可以逼走鸡尾嘅油粉，食落油腻感冇咁重，炸浆都好薄，咬落好脆口，送酒一流
牛舌薄烧-用高温嘅铁板煎香薄切牛舌，再洒上葱花同炸蒜，虽然系薄切牛舌，但脂肪感一样爆灯，而且一啲都唔韧，应该系选用最靓嘅牛舌芯部份
松叶蟹肉甲罗烧-甲罗烧通常都只系有蟹膏，今次混合埋蟹肉，口感更加丰富，而且配青瓜片一齐食，感觉更清新
主角大阪烧上枱，里面混合咗章鱼粒，睇住师傅慢慢煎脆两边，再配上烧汁沙律酱木鱼丝等，视觉享受已经满分。入口表面嘅香脆同入边嘅湿润都做得非常平衡，可以自由加啲红姜丝或者紫菜丝，变化出唔同嘅食法
A5和牛坑腩炒饭-首先将和牛坑腩薄切，煎到好脆，将逼出嚟嘅油攞嚟炒饭，所以成碟饭都充满牛油香。铁板炒饭嘅好处系饭都炒到好干身，粒粒分明，加葱花炸蒜一齐食又香又有口感
甜品系炸朱古力弹，炸弹系而家好流行嘅麻糬外皮，但入边系流心古力酱，食嘅时候要小心，因为好热，但就非常好食，两粒有啲唔够喉
张贴
