和田日本料理 (已結業)

已经接近夜晚十一点钟但又想食放题，行到创兴楼下，得和田开得夜，假日前夕及假日开到凌晨两点。就决定佢啦！因为夜的关系，所以一问就有位。一坐低叫刺身是常识吧，带子鲜甜，三文鱼厚度适中，咬落冇根，唔错。呢度系冇甜虾刺身，得虎虾，不过不失。吞拿鱼刺身唔推介，食落有渣而且雪味重冇咩鱼味芝士烧蚝，好大哒芝士，味道都唔错，略嫌蚝真系太细只，系堆芝士度撩好耐先揾到推介！超级好味烧鸡软骨，只系用左少少盐调味已经好足够，追加多几串先可以满足芝麻鸡翼，炸得好香脆，另外都有烧鸡翼，同鸡软骨一样少少盐调味，唔错，两款鸡翼都推介烧羊架，味道真系好一般，冇乜羊味而且等好耐先有。超中意食呢个日本小蕃薯，用左少少蜜糖烧，一口一粒，烟韧鲜甜炸榴莲球，超重榴莲味食左咁多肉食返少少菜啦，田园沙律唔错选择，不过就酱落得太多，有少少咸总括来讲，食物质素都唔错，上菜速度一般而且有走单情况，宵夜时段连加一每人196，太夜而又想食放题都会再选择和田。