影片
更多
2021-09-25
602 浏览
相信大家都试过跟住米芝连嘅推介去食饭，我哋都唔例外，不过往往个结果都系上哂直升机，中哂伏😑今次介绍嘅餐厅主打手工意粉，用得呢个gimmick作为主打和招来，我哋食之前都好期待🤤 而且每一道菜式上枱后，店员都会主动介绍食法和食材，够贴心👍🏻事不宜迟，介绍喇：Red Prawn Tagliolini ($380)：哗！呢个真心正，西班牙红虾够大只、多膏😍手工意粉口烟韧，粗幼适中，捞埋个虾头膏，鲜味十足，味道香浓！最惊喜系虾肉弹牙，唔似一般雪藏虾咁霉，我哋可以话系必叫！Carbonara Tagliolini ($168)：食得意粉，又点可以唔叫埋呢个？店经理向我哋诚意推荐，话呢个Carbonara只用最正宗嘅方法去煮(ed小分享：正宗嘅carbonara系绝不会用忌廉或奶去整滑个口感㗎！只会用鸡蛋和芝士做个汁) 。餐厅用嘅系Guanciale(猪面珠肉)，而非坊间常用嘅cheap cheap 烟肉，有咬口，又唔会死咸，份量多又大粒，正！意粉相对上面款红虾意粉淋身，我哋估系因为想令个口感更加衬个汁🤔甜品我哋就要咗Crème Brûlée ($88)：蛋味香浓，面头嘅焦糖又唔系好甜，一硬一软嘅
Red Prawn Tagliolini ($380)：哗！呢个真心正，西班牙红虾够大只、多膏😍手工意粉口烟韧，粗幼适中，捞埋个虾头膏，鲜味十足，味道香浓！最惊喜系虾肉弹牙，唔似一般雪藏虾咁霉，我哋可以话系必叫！
Carbonara Tagliolini ($168)：食得意粉，又点可以唔叫埋呢个？店经理向我哋诚意推荐，话呢个Carbonara只用最正宗嘅方法去煮(ed小分享：正宗嘅carbonara系绝不会用忌廉或奶去整滑个口感㗎！只会用鸡蛋和芝士做个汁) 。餐厅用嘅系Guanciale(猪面珠肉)，而非坊间常用嘅cheap cheap 烟肉，有咬口，又唔会死咸，份量多又大粒，正！意粉相对上面款红虾意粉淋身，我哋估系因为想令个口感更加衬个汁🤔
甜品我哋就要咗Crème Brûlée ($88)：蛋味香浓，面头嘅焦糖又唔系好甜，一硬一软嘅组合好唔错！完美句号😌
如果大家想订枱，记得预早一个月打电话去呀，好full㗎🤫
张贴
