影片
更多
2007-12-18
10 浏览
以酒店嘅自助晚餐计收$178，依度真系算数一数二抵食，试过之后，又觉得唔错㖞，好过预期添，食物质素都唔赖，当然唔会话好到「氹」一声，我觉得都有几个卖点：1.Spinning Salad，2.中式老火汤，3.生蚝、龙虾仔、翡翠螺，4.自助咖啡吧。其他仲有烧味、即煮面档、冷盘、寿司、鱼生、热盘，夹夹埋埋都好几十款！不过，烤猪柳（即切肉车）麻麻哋，甜品亦都系唔得，选择少质素唔似样，反而个凉粉掂，点解掂？因为可以自家制超级B仔凉粉，好多款粒粒生果俾你配搭，再加埋蜜糖糖浆、石榴糖浆或椰奶，整多球香芋椰子雪糕放上面，几正架！有老友问，D沙律有得自己DIY咪得啰，使乜搞咩Spinning Salad！沙律好食，除咗D沙律菜够新鲜，唔会话湿立立外，够冰冻，酱汁捞得够均亦系好重要，所以，Spinning Salad就做到以上效果，佢用冰镇住个沙律兜，将你拣好嘅沙律菜、配料同酱汁一路转一路捞均，同你就咁自己捞埋系有分别嘅。D沙律菜冰镇过，够冻，食落就索索声，更爽脆，而酱汁够均，唔使讲都知咁样会好味D啦！此外，佢哋个沙律吧，晌沙律菜、配料同酱汁都好多嘢拣！老火汤方面，虽然唔系咩贵价汤，好似依次饮嘅只系红萝卜
有老友问，D沙律有得自己DIY咪得啰，使乜搞咩Spinning Salad！沙律好食，除咗D沙律菜够新鲜，唔会话湿立立外，够冰冻，酱汁捞得够均亦系好重要，所以，Spinning Salad就做到以上效果，佢用冰镇住个沙律兜，将你拣好嘅沙律菜、配料同酱汁一路转一路捞均，同你就咁自己捞埋系有分别嘅。D沙律菜冰镇过，够冻，食落就索索声，更爽脆，而酱汁够均，唔使讲都知咁样会好味D啦！此外，佢哋个沙律吧，晌沙律菜、配料同酱汁都好多嘢拣！老火汤方面，虽然唔系咩贵价汤，好似依次饮嘅只系红萝卜煲猪骨，但胜在够火喉、无味精，秋冬天饮多碗滋润汤水无得顶。生蚝算细只，但食落都觉得新鲜㖞，仲成晚不停补充添，反而翡翠螺就久唔久出一转，味道一般般啦！茶、咖啡任饮，但稍为少少特别系佢摆咗部咖啡机系度，饮Epresso又得，饮Latte都得！
张贴
