第一蠔粉麵 (已結業)

个舖位系之前太子丸茶手作嘅舖位，地方唔算好大，寻晚大约9点左右去到，叫咗一个炸蚝饼同埋一碗蚝仔粥同朋友share，比起平时喺庙街同类型嘅铺头，佢哋用嘅唔系细细只嘅蚝仔，而系用一啲大只有咬口嘅本地蚝，食落去冇沙。先讲下个粥底，本身有胡椒落咗去，所以都几惹味，但同时间你亦都需要另外叫一杯饮品，以免过分口干，跟餐要嘢饮只需要$8，但现时只系得罐装饮品提供，抵唔抵饮见仁见智。另外炸蚝饼，同图片中嘅摆位有少少唔同，但系仍然会食得出蚝嘅口感，新鲜上菜然后摊冻咗一阵再食，都唔会有大量嘅油溢出嚟，加埋鸡酱食都几夹。除咗主打蚝仔之外，亦都有其他日常见到嘅米线配搭，即使同行朋友唔钟意食蚝，都可以一齐帮衬下小店，尤其系主打本地蚝，更加需要本地人来支持呀！