名館 (已結業)

打风先黎落雨，唔通连个天都想我出街食？收工仲挂紧三号波但无阻同朋友嘅饭聚，朋友又去完日本旅行，大家相约老铜饭聚顺便拎手信，所以食中菜就最啱了。呢度虽然位处铜锣湾，但食物价钱非常亲民！柚蜜炸虾球。酱汁味道略酸偏甜柚子味好清香，炸皮好薄所以唔吸油，加上虾仁大大粒又爽口。虽为油器但不油腻。和风炒饭。炒得干身所以饭粒食落弹牙，调味用上照烧汁之类嘅酱料，味道唔会好重／咸（虽然睇落好浓味）春卷。炸得好香口同干身，入面嘅虾肉馅调味重啲啲，平衡返春卷皮清淡嘅味道。蒜苗蒸胜瓜。虽然用左几多蒜泥铺面，但味道唔呛。胜瓜本身好甜加上少少上汤调味，好好食。同埋唔可以错过垫底嘅金针菇，佢吸收晒胜瓜同蒜香味，入味非常。厚切叉烧。色泽红润肥瘦相间，蜜糖上色得均匀，一睇就知道系靓叉烧。入口肉嫩多汁仲有少少㶶边，就正正系㶶左嘅部分增添左叉烧嘅口感同味道，正。有时食饭唔需要大鱼大肉嘅，同朋友简简单单食个饭就系生活中的小确幸。