影片
更多
2022-11-14
50 浏览
《川味亭 - 尖沙咀》又一个等 @justlove_eat 收工既日子😂约咗大家收工后食饭，但公主大人要OT，唯有自己揾住餐厅坐住等😌喺尖东附近行行吓俾我揾到一间平价串烧店😆可以食住等之余仲可以啤啤佢添🥸当晚我就一边食一边等佢到，其实叫住一两串串烧慢慢咬都几好😝可以消磨时间☺️当晚我地叫左好多款野食，埋单都系五百零蚊左右🥸仲要饮埋酒，食串烧黎讲呢个价钱算系几化算😉💁🏻♀️烧菠萝 $18/份菠萝我超极力推介，佢一份有六件，喺菠萝上面落左焦糖再烧溶d糖粒😎啲糖融化咗之后变咗焦糖脆脆，除咗带出咗菠萝本身嘅甜味之外，再额外多咗份焦香，我哋encore左两转😂💁🏻♀️蒜蓉大生蚝 $58/2只烧蚝都几大只，配蒜蓉永远都唔会唔好食嘅😂不过我个人都系钟意食生蚝多💁🏻♀️猪颈肉 $25猪颈肉烧到劲香脆，油脂丰富而且肉质好弹口💁🏻♀️脆香鲜鸡皮 $28又系啲送酒嘅食物，烧到脆卜卜😎其实唔会觉得好肥腻💁🏻♀️一口烧番薯 $18唔知系咪番薯本身糖分高，烧过之后更加甜同埋好黏糯，作为甜品嘅话应该几好💁🏻♀️原条烧粟米 $18我个人唔系太好食粟米，朋友话呢个粟米原条上都几少有，不过佢自己一个食晒成条都几犀利😂我眼见
又一个等 @justlove_eat 收工既日子😂约咗大家收工后食饭，但公主大人要OT，唯有自己揾住餐厅坐住等😌喺尖东附近行行吓俾我揾到一间平价串烧店😆可以食住等之余仲可以啤啤佢添🥸当晚我就一边食一边等佢到，其实叫住一两串串烧慢慢咬都几好😝可以消磨时间☺️当晚我地叫左好多款野食，埋单都系五百零蚊左右🥸仲要饮埋酒，食串烧黎讲呢个价钱算系几化算😉
💁🏻♀️烧菠萝 $18/份
菠萝我超极力推介，佢一份有六件，喺菠萝上面落左焦糖再烧溶d糖粒😎啲糖融化咗之后变咗焦糖脆脆，除咗带出咗菠萝本身嘅甜味之外，再额外多咗份焦香，我哋encore左两转😂
💁🏻♀️蒜蓉大生蚝 $58/2只
烧蚝都几大只，配蒜蓉永远都唔会唔好食嘅😂不过我个人都系钟意食生蚝多
💁🏻♀️猪颈肉 $25
猪颈肉烧到劲香脆，油脂丰富而且肉质好弹口
💁🏻♀️脆香鲜鸡皮 $28
又系啲送酒嘅食物，烧到脆卜卜😎其实唔会觉得好肥腻
💁🏻♀️一口烧番薯 $18
唔知系咪番薯本身糖分高，烧过之后更加甜同埋好黏糯，作为甜品嘅话应该几好
💁🏻♀️原条烧粟米 $18
我个人唔系太好食粟米，朋友话呢个粟米原条上都几少有，不过佢自己一个食晒成条都几犀利😂我眼见呢条粟米都几大条
💁🏻♀️锡纸烧娃娃菜 $38
食咗咁多油腻嘢点都要食返少少菜😂个娃娃菜用锡纸加汤去煮，其实个汤都几浓味，不过食返啲菜个人感觉冇咁滞舒服好多
💁🏻♀️惹味台湾肠 $18
台湾肠其实就即系平时街边小食𠮶种台湾肠，呢个比较普通少少，不过烧热咗又真系几好食嘅
💁🏻♀️烧鸡软骨 $15
烧鸡软骨咬落油香十足，表皮烧到好脆，食到落咗椒盐同埋辣粉，十分香口
💁🏻♀️麻辣烫 $58
麻辣烫有好几个餐俾你拣，我哋拣咗四𩠌一面两个人share食，面就拣咗好少见嘅土豆粉，再配猪大肠、脆肉鲩鱼片、鹅肠同埋生菜，佢个麻辣烫汤底超级辣😂我哋只系叫咗小辣都辣到要即刻饮啤酒😅系咪我近排冇咁食得辣呢？😝佢个汤嘅辣度又系慢慢标上黎果一种😓头几啖你唔觉，慢慢个辣度就会涌上嚟，钟意食辣嘅话不妨黎挑战一下
💁🏻♀️盐烧多春鱼 $38/6条
其实去到尾段我已经开始食唔落，不过公主大人话要食多春鱼，所以都叫咗一份，由于到后期开始多人，上菜嘅速度慢咗落嚟，等等吓我哋都开始饱，不过个多春鱼都几肥几大条😂到底系边度可以买到咁肥嘅多春鱼🤣
💁🏻♀️椒盐鸡软骨 $48
眼阔肚窄嘅公主大人话要送酒，食完串烧鸡软骨之后又要食椒盐鸡软骨，的确，边饮酒边食系几过瘾嘅🤓鸡软骨咸香味十足，份量都唔少
总括嚟讲，呢度嘅价钱同埋份量其实算系平，如果再行过少少尖东酒吧区嘅话相信唔会有咁平嘅串烧店，同埋佢嘅份量普遍都几多，我哋食到最后系饱到食唔晒所有嘢😂下次多啲人嚟嘅时候可以再试多少少其他嘅串烧😇
张贴
