影片
更多
2025-01-01
946 浏览
尖东 K11 Musea夜上海今年圣诞节去食中菜，当系圣诞大餐，中菜订位相对较西餐容易好多。北京填鸭两食北京填鸭鸭皮片得好薄，薄皮冇带任何鸭肉，而且烧得啱啱好，带浓郁油脂香气，鸭皮较为烟韧有咬劲，薄饼厚度超薄兼带淡淡面粉香味，而且用个暖锅keep住薄饼温度，可惜一拎出嚟就冻得好快，夹埋鸭皮大葱青瓜甜酱一齐食，满口香味浓郁，口感复杂丰富。鸭丝炒芽菜鸭肉味道满溢，肉质较为烟靭，同芽菜一齐时入口感觉几特别，芡汁畧为过多，味道清淡冇偏咸。陈皮糖醋排骨属于冻食前菜，甜甜酸酸偏甜，淡淡果皮味，如果唔留意差啲食唔出，肉质偏实要俾啲牙力去𡁻，适合做醒醒胃饭前菜。海参鳝糊鳝肉质较为腍身，鳝鱼肉味淡，唔会太过浓烈或者咸味过重，颜色虽然深黑，整体味道属于偏淡，但烹调落油一啲都唔手软，炒鳝糊水准略为逊色。沙律香芒虾卷炸得够脆及干身冇油淋淋，虾味及芒果味缺乏，只系见到非常少少芒果肉，一啲都食唔出香芒味，虾肉够爽无𧎚味，下次可以唔使试。雷沙汤丸皮厚软糯够韧力，流心芝麻馅料味淡微甜，黄豆粉及芝麻都欠缺香味，但系够新鲜补返数。铁观音茶味清淡，香气亦较为淡薄，带甘香冇苦涩味，茶叶质量过关可以。侍应殷勤有礼貌，服务有水准
今年圣诞节去食中菜，当系圣诞大餐，中菜订位相对较西餐容易好多。
北京填鸭两食
北京填鸭鸭皮片得好薄，薄皮冇带任何鸭肉，而且烧得啱啱好，带浓郁油脂香气，鸭皮较为烟韧有咬劲，薄饼厚度超薄兼带淡淡面粉香味，而且用个暖锅keep住薄饼温度，可惜一拎出嚟就冻得好快，夹埋鸭皮大葱青瓜甜酱一齐食，满口香味浓郁，口感复杂丰富。
鸭丝炒芽菜
鸭肉味道满溢，肉质较为烟靭，同芽菜一齐时入口感觉几特别，芡汁畧为过多，味道清淡冇偏咸。
陈皮糖醋排骨
属于冻食前菜，甜甜酸酸偏甜，淡淡果皮味，如果唔留意差啲食唔出，肉质偏实要俾啲牙力去𡁻，适合做醒醒胃饭前菜。
海参鳝糊
鳝肉质较为腍身，鳝鱼肉味淡，唔会太过浓烈或者咸味过重，颜色虽然深黑，整体味道属于偏淡，但烹调落油一啲都唔手软，炒鳝糊水准略为逊色。
沙律香芒虾卷
炸得够脆及干身冇油淋淋，虾味及芒果味缺乏，只系见到非常少少芒果肉，一啲都食唔出香芒味，虾肉够爽无𧎚味，下次可以唔使试。
雷沙汤丸
皮厚软糯够韧力，流心芝麻馅料味淡微甜，黄豆粉及芝麻都欠缺香味，但系够新鲜补返数。
铁观音
茶味清淡，香气亦较为淡薄，带甘香冇苦涩味，茶叶质量过关可以。
侍应殷勤有礼貌，服务有水准。食肆设计华丽够晒性格，似足旧上海奢侈华丽风格。碗筷杯碟清洁干净，但甜品叉有汚积要更换，碗碟杯筷过于简单，未够精致。枱凳餐椅较为逼夹，座位之间缺乏空间，侍应上菜都唔太方便，餐桌细小两三个𩠌菜已经摆唔落，圣诞节当日下午饭时间都坐满食客顾客。
张贴
