Shine (已結業)

同朋友都系第一次黎，店内灯光柔、偏暗，天花吊著乌丝灯泡，环境都几舒服，几适合倾计。🍝极黑海胆意粉 $188朋友见到餐纸已心心眼，话一定要食！😂意粉上插左一支墨汁，令墨汁意粉上再加上墨汁变「极黑」。意粉口感软硬度适中，墨鱼汁味香浓突出。海胆入口绵滑甘甜，加上三文鱼籽咸鲜味，令整体味道同口感都非常出色。🐂烧澳洲M4和牛薄切 $168之前其他地方食过一次薄切牛，印象味道口感都好差，但见朋友甘想食就试下。叫左5成熟，中间透红熟度刚好，肉质软淋。配上黑醋汁同薄片芝士，加上火箭菜垫底，比想像中好食好多。🍔镇店汉堡 $168平时好少食汉堡，今次都系由朋友话事。汉堡大大份，顶层系两个炸得酥脆既特大洋葱圈，洋葱味好香。之后到汉堡，面包好松软，入面有牛肉汉堡扒、烟肉、蕃茄、沙律菜同芝士。牛肉味浓郁，味道不错但偏咸左少少，肉质较松散同熟左D。薯条分量多，可惜太干身，口感普通。🍹Mix Berry Yogurt $58 走左上面层cream，奶昔莓味很重，入口酸酸甜甜好开胃，好饮之选。