北海道爐端燒 (已結業)

朋友话想食炉端烧～上网见呢间都几多人介绍～所以就book咗嚟呢间食～位于尖沙咀捷利商业大厦，非常方便～环境装修好日式居酒屋咁～用餐时间系一个半钟，一开头仲怕唔够时间食添㖞～所以我哋就好快就拣好落单～食物都几快到～首先嚟嘅系 香酥鸡软骨任何有鸡软骨嘅地方，我都一定会叫嘅～呢度紧系唔例外啦，炸到金黄色，味道唔错～份量都几多，啱啱坐低食呢个无得输啦～日式鸡蛋粥同我想像嘅唔一样，原本以为只系得蛋花～但原来除咗蛋花之外，里面仲充满一粒粒八爪鱼～好味得嚟又好有口感，好钟意呢个鸡蛋粥啊～香味酱油烧鳕场蟹卖相好吸引啊～蟹肉算多，微微焦味令到蟹味更加凸出～店员细心剪好一边蟹壳～我哋净系用筷子”new”啲蟹肉出嚟食就得～浜烧三色蟹盖海胆好好味～我首先食晒啲海胆先～之后再将蟹肉同蟹膏同三文鱼籽捞埋一齐食～每一啖都被浓浓嘅蟹膏同蟹包围住，好邪恶呀～好想叫碗白饭嚟送呢个蟹盖啊～牡丹虾刺身好鲜，好好味啊～食完啲虾味仲停留喺味蕾之中～最后我哋再叫咗个 甜瓜冰淇淋小丸子一齐share虽然同menu上个样有啲出入～亦比较大杯～两个人share就啱啱好～雪糕系蜜瓜味，仲有四粒大褔喺入面，非常有趣～好满足嘅一餐啊～味道唔错