Attic Handmade Pasta (已結業)

餐厅环境格调高雅，极高嘅楼底配衬水晶吊灯，灯光柔和浪漫，系绝对嘅 fine dine 格局。蕃茄浓汤，浓汤由新鲜蕃茄原只打成，蕃茄味道浓郁到无朋友，配衬著上面嘅炸面包粒，口感松脆。香煎安格斯侧腹膜横肌薄片、阿根廷青酱，安格斯牛肉薄片呈现极诱人嘅粉嫩红色，唔点个青酱先试一啖，牛味香浓，五成熟系我最爱嘅熟度，属水准之作；点一点个青酱再试一啖，青酱里面混和咗蒜蓉同埋橄榄油，叫人惊喜。虾子香蒜辣椒意粉，意粉卖相非常精致，面头舖满密密麻麻嘅虾子同埋煎香咗嘅蒜片，意粉选用咗扁意粉，硬度系我最钟意嘅 all dente，虾子香蒜加上微辣，非常惹味。法国酿无骨春鸡、羊肚菌汁，春鸡个子不少，鸡肉嫩滑， 厨师将鸡皮都整到好香脆，on 紧 diet 嘅 friend 子都话要连埋皮食，羊肚菌汁混合极丰富嘅菇香，令人回味。伯爵奶茶冻，奶冻水润动 L，入口异常咁滑溜，同伯爵茶个味道非常之夹。