影片
更多
2017-06-20
109 浏览
之前同frd食过呢间日本野觉得几得，所以今次就带埋全家黎再食过。地点方面其实都算几就脚，系k11行五分钟倒就到。去到后员工安排我地坐系一个卡位，个位坐6个人都唔会逼，而我地得4个所以就更加坐得松动。跟住呢度落单其实系用部tablet嘅，有啲似海底捞咁果只，好处系唔使成日举手叫人serve，又唔使惊漏单。好入正题讲返野食先!呢度野食选择都几丰富，你讲得出嘅日本放题野基本上都有，刺身、寿司、小食、炸物、蔬菜、甜品...谂返都觉得饱哈哈 XD 因为我地有4人嘅关系，所以一落完单冇耐佢地就送上一条活鱼刺身，条鱼送上枱果下仲识郁，坚系活鱼刺身。可能真系因为新鲜，个刺身几甜同爽，唔使点豉油个味道已经好出，连我一向唔太好鱼生嘅两老都有keep住食。另外佢仲送左只好大嘅刺身寿司船，上面仲有板海胆。佢板海胆海水味唔浓，但可以食到海胆个原味，唔会话有果种令人怕怕嘅腥味，以免费黎讲真系算几ok。所以第一轮落单可以唔好叫得太多寿司住，如果唔系就好易点得太多，浪费食物就唔好。刺身方面我地叫左最大路嘅三文鱼、北寄贝、带子同甜虾。三文鱼切得算厚身，冇因为放题就偷工减料，几好食。另外佢啲小食份量细细份，可以过口瘾又唔
地点方面其实都算几就脚，系k11行五分钟倒就到。去到后员工安排我地坐系一个卡位，个位坐6个人都唔会逼，而我地得4个所以就更加坐得松动。跟住呢度落单其实系用部tablet嘅，有啲似海底捞咁果只，好处系唔使成日举手叫人serve，又唔使惊漏单。
好入正题讲返野食先!呢度野食选择都几丰富，你讲得出嘅日本放题野基本上都有，刺身、寿司、小食、炸物、蔬菜、甜品...谂返都觉得饱哈哈 XD 因为我地有4人嘅关系，所以一落完单冇耐佢地就送上一条活鱼刺身，条鱼送上枱果下仲识郁，坚系活鱼刺身。可能真系因为新鲜，个刺身几甜同爽，唔使点豉油个味道已经好出，连我一向唔太好鱼生嘅两老都有keep住食。另外佢仲送左只好大嘅刺身寿司船，上面仲有板海胆。佢板海胆海水味唔浓，但可以食到海胆个原味，唔会话有果种令人怕怕嘅腥味，以免费黎讲真系算几ok。所以第一轮落单可以唔好叫得太多寿司住，如果唔系就好易点得太多，浪费食物就唔好。
刺身方面我地叫左最大路嘅三文鱼、北寄贝、带子同甜虾。三文鱼切得算厚身，冇因为放题就偷工减料，几好食。另外佢啲小食份量细细份，可以过口瘾又唔会太消耗战斗力。烧物我会非常推荐食佢个鸡泡鱼干，轻轻一烧已经好香口好好食，我地追加左几次添，其他牛、羊、猪质素都唔错。寿司就正正常常，而个火炙牛系比较好食的。当你食到最后(饱到上心口之际)，就到甜品时间，呢度系用movenpick嫁!!!个朱古力味好好食，所以就算好饱都忍唔住食哂。overall以二百几蚊每位呢个放题冇得输嘅，比坊间好多放题都做得好，迟啲都应该会再返黎食。
张贴
