影片
更多
2019-02-01
15 浏览
钟意饮酒🍻嘅朋友正啦，尖沙咀开咗个新酒场有得饮🍹又有得玩，虽然我自己唔饮得，但朋友成日话想去睇下个新场，咁就陪下佢啦！可能因为新开张未有太多人识，个场都比较静，如果大家倾下计其实环境好静好舒服，佢仲有2张台系outdoor，有啲朋友钟意都可以出去吹吹风㗎。倾到咁上下又可以玩下，因为佢有全港独家嘅电子游戏桌，好似赌场啲赌台咁，佢有好多款唔同game，例如： Black Jack, Rainbow🌈, Luck 7 等等，$319 /1个game，包2 jar啤酒🍻，价钱都算合理。另外，佢仲有气垫球就$219。不过呢啲games 都啱啲钟意饮嘅朋友，我就比较钟意掟镖🎯，呢度有2部镖机🎯，同出面一样价都系$5蚊铺，仲包埋镖比你。可以一路玩一路食，店员介绍咗几款signatire drink🍹同小食比我哋。饮品方面，佢介绍咗杯Sweet 16同埋Jap Jap，佢话Sweet 16 比较啱女仔饮，不过其实都几强酒味，面头洒咗啲微焦嘅棉花糖。而Jap Jap就系荔枝加清酒，淡淡荔枝香味，我觉得都几啱酒量麻麻哋嘅朋友！小食方面，店员介绍咗鸡翼、虾球、薯角同埋咖哩薯饼。鸡翼炸粉唔会好厚，面头薄薄哋一
钟意饮酒🍻嘅朋友正啦，尖沙咀开咗个新酒场有得饮🍹又有得玩，虽然我自己唔饮得，但朋友成日话想去睇下个新场，咁就陪下佢啦！
可能因为新开张未有太多人识，个场都比较静，如果大家倾下计其实环境好静好舒服，佢仲有2张台系outdoor，有啲朋友钟意都可以出去吹吹风㗎。倾到咁上下又可以玩下，因为佢有全港独家嘅电子游戏桌，好似赌场啲赌台咁，佢有好多款唔同game，例如： Black Jack, Rainbow🌈, Luck 7 等等，$319 /1个game，包2 jar啤酒🍻，价钱都算合理。另外，佢仲有气垫球就$219。不过呢啲games 都啱啲钟意饮嘅朋友，我就比较钟意掟镖🎯，呢度有2部镖机🎯，同出面一样价都系$5蚊铺，仲包埋镖比你。
可以一路玩一路食，店员介绍咗几款signatire drink🍹同小食比我哋。饮品方面，佢介绍咗杯Sweet 16同埋Jap Jap，佢话Sweet 16 比较啱女仔饮，不过其实都几强酒味，面头洒咗啲微焦嘅棉花糖。而Jap Jap就系荔枝加清酒，淡淡荔枝香味，我觉得都几啱酒量麻麻哋嘅朋友！
小食方面，店员介绍咗鸡翼、虾球、薯角同埋咖哩薯饼。
鸡翼炸粉唔会好厚，面头薄薄哋一层炸粉，好香口，鸡翼好juicy。
虾球方面细细粒，容易入口，表面呈金黄色，虾肉爽口又弹牙。
薯角够晒脆身。
咖哩薯饼入面系咖哩蓉，感觉好似咖哩角嘅味道。
下次想去酒吧都可以试下呢个新场~
张贴
