影片
更多
2014-10-23
12103 浏览
为在要于OpenSnap与「亚洲万里通」合办之手机食先有里赏活动中赚取更多分数，活动期间XO仔专登约埋表妹同哥哥过海，去一间亚洲万里通伙伴餐厅Al Molo Ristorante Italiano度食意大利菜。细佬出名精打细算，订座当然系不忘透过Tablemap预约，增加累积分数以换取礼卷啦 ！Al Molo位于码头附近，对于居港岛区而且容易晕船o既小肥就不太方便。小肥当晚选择咗搭地鐡，始终少过海，人生路不熟，要靠问路先揾到间餐厅，其间更被商场职员老点 ，行咗不少冤枉路，最后食饱饭决定跟随表妹同哥哥坐船返屋企。位于海旁o既Al Molo当然系唔会嘥咗个靓景啦，近海位置更设有室外座位，极受吸烟人士欢迎，有景睇，又可享受海风，颇为写意。餐厅室内灯光较暗，餐桌上只有蜡烛照明，情侣拍拖最为合适。我地三人被安排入座梳化式卡位，有皮櫈坐，楼面够高，杂声唔多，感觉阔落舒适。入座后分别有三位黑面神姐姐为我地斟水、加酒、落单及传菜。三位笑容欠奉，毫无对答交流，就连容忍度极高o既哥哥都觉得佢地服务态度欠佳，餐厅食物再美味都绝对唔会再黎贴钱买难受 ！我地三老表食饭，冇长辈在场，气氛较平时轻松，喺谂食乜
Al Molo位于码头附近，对于居港岛区而且容易晕船o既小肥就不太方便。小肥当晚选择咗搭地鐡，始终少过海，人生路不熟，要靠问路先揾到间餐厅，其间更被商场职员老点 ，行咗不少冤枉路，最后食饱饭决定跟随表妹同哥哥坐船返屋企。
位于海旁o既Al Molo当然系唔会嘥咗个靓景啦，近海位置更设有室外座位，极受吸烟人士欢迎，有景睇，又可享受海风，颇为写意。餐厅室内灯光较暗，餐桌上只有蜡烛照明，情侣拍拖最为合适。我地三人被安排入座梳化式卡位，有皮櫈坐，楼面够高，杂声唔多，感觉阔落舒适。
入座后分别有三位黑面神姐姐为我地斟水、加酒、落单及传菜。三位笑容欠奉，毫无对答交流，就连容忍度极高o既哥哥都觉得佢地服务态度欠佳，餐厅食物再美味都绝对唔会再黎贴钱买难受 ！我地三老表食饭，冇长辈在场，气氛较平时轻松，喺谂食乜野之前当然系要叫返枝酒饮啦！落单后，催促咗两次，黑面神姐姐十五分钟后先为我地送上冰冻o既酒杯及香槟，莫非佢地系即叫即雪，所以要咁耐？！
当晚全店满座，但眼见落单后过咗十五分钟都未有面包或小食送酒，哥哥都忍唔住向黑面神姐姐提问及餐厅是否不提供面包 。姐姐冇正面回答，不过隔一阵就攞咗客面包比我地。面包属和暖，外层干得黎包身又好似好油咁，唔系好啱小肥口味啰。
见到黑面神三女，大家都已经成肚气，胃口顿减，所以就拣选咗一客头盘，一客意粉，一个pizza，及一个主菜黎分，唔够饱先叫甜品。
头盘之Tartare di Filetto - Marinated Raw Beef, Shallots, Cornichons, Trio of Condiments（$158）：生牛肉香而不腻，面包松脆如曲奇，以混酱形式涂上伴碟o既三款酱汁，整体非常香滑，唯一系牛肉腌得唔够浓，如果可以咸返少少就更美满。
意粉之Tagliatelle - Ribbon Pasta, Bolognese Sauce, Parmigiano（$178）：丝带形意粉带腍，应乃煮得过熟所致，不过要赞o既系个肉酱汁调校得非常美味，唔会过甜或过酸，肉碎及芝士份量恰到好处，食后一啲都唔觉溜。如果意粉质感可煮达烟烟韧韧，依味绝可能成为推介菜式 ！
Pizza 之Cotto & Funghi Pizza – Pomodoro, Mozzarella, Cooked Ham, Mushroom（$178）：薄薄o既pizza好够香脆，而且唔会食到成口油，芝士份量刚刚好，唔滞口，如果火腿及蘑菇可以多返少少就更加好。
主菜之Osso Buco - Braised Veal Shank, Bone Marrow, Saffron Risotto, Sauteed Spinach （$298）：Osso Buco肉质唔够腍，且嚡口，味道过酸，又唔够香，伴碟o既Risotto同样带酸，菠菜腍pat pat，系成餐饭最唔掂o既一味 ！
甜品之Bianco Mangiare - Almond Milk, Kiwi & Pineapple Brunoise, Pinacolada Sorbet & Almond Gelato, Caramel Topping（$88）：我地三口同声地形容甜品o既味道似鸡尾酒「Piña colada」，清香少甜消滞，不错之选。
甜品之Affogato - Vanilla Gelato, Freshly Brewed Espresso, Averna Amaro（$88）：雪糕有冰杯承载，能保持冰冻，食客可自行加上适量o既espresso调味。个人觉得云尼拿雪糕味道过甜，唔够香滑，加哂成杯espresso都冲淡唔到，饮落反觉嚡口 。
一间成功o既餐厅除咗要食物美味，最重要就系要令到客人开心用膳，就算地点几隔涉，如果能够做到以上两点，都会好容易就客似云来。Al Molo食物水准颇高，环境不俗，无奈服务生全为黑面神 ，食客未尝美食已大减雅兴及食欲，价格偏高却未能享受应有之服务，大感不受欢迎之际，食材再高质都冇可能令人觉得抵食，就连家中脾气最好o既哥哥都话不能接受，可想而知我地三人有多不快！
正当大家怀著不满o既心情离开餐厅，表妹指出商场旁边有多个Snoopy展品，提议行近拍照，睇真啲先知原来系为现正进行o既展览宣传。多得可爱o既Snoopy为我地带来「欢、笑、福、气」 ，心情先得以平服，轻松回家。
张贴
