花月居酒屋

营业中

休息中

近尖東，星期日晚上去尖沙咀找餐廳，揀左呢間較寧靜既居酒屋，較早去所以好寧靜，可以慢慢坐，見到餐牌有好多款式，所以樣樣叫啲，而且價錢不貴呀！先叫了帶子$78同三文魚刺身$68，厚切，帶子鮮甜好新鮮，三文魚有肥膏香味。小食叫了北海道麻醬雞翼$48，面鋪滿芝麻，好香口呀，炸至脆皮香脆可口。另外叫了銀鱈魚京燒$158，個魚肉好滑，廷身，唔會散開，好鮮甜，點了少許七味粉沙律醬，惹味。再叫了清酒煮硯$78，好大隻，肥美彈牙，面鋪了海帶，連湯一齊飲，個湯超入味主菜叫返個飽肚既，吉列豚肉$85，份量好大，豬肉炸了更顯金黃色，在旁還有蛋，洋蔥，配埋麵豉湯。居酒屋當然要叫燒物，叫了雞泡魚魚干$85，好鮮甜面有微微焦香，醃製過超好食，仲好厚身添。牆上多款料理長推介，都好想一試，下次要再黎先得，還有套餐都好抵食喎。