花月居酒屋

营业中

休息中

朋友推介呢間居酒屋話食物高質，性價比高即管約幾個朋友去試下當晚都見到有幾枱日本人去食.餐牌內容豐富，我地5個人可以叫到好多野食😆推介炸蠔，豚肉露筍，雞泡魚乾，串燒，壽喜燒..食物質素高質，好有日本水準😋老闆和藹親切，服務態度不錯👍🏼

鲷鱼薄切好新鲜／刺身拼盤好靓熟食燒物及炸物好過以前好多，之前去過食反行到入面發覺全部換哂人新面孔好友善由其我最愛食鱼但個日去但冇乜客人聽講是以前在花月工作的員工服務麻麻',有大支1800ml清酒飲幾百蚊支抵飲

朋友介紹食過呢間呢間居酒屋好多次話唔錯，於是昨晚同三五知己敘舊就揀呢一間嚟試吓，店舖內裝修好有日式feel, 坐低梗係要㗳番杯啦，店員介紹叫咗一支赤霧島燒酎另外加冰和梳打水配合來飲，都幾正👍🏻最有驚喜就係有新鮮空運魚刺身🐠，非常新鮮，啲刺身擺設又幾靚，口感新鮮彈牙😋再叫咗啲串燒和雞泡魚乾，佐酒啱曬，跟住叫咗天婦羅同卷物、壽司，然後再叫過熱辣辣牛肉壽喜燒,好味道😍店員話壽喜燒係佢哋店舖的number one 最多客人點的item,果然冇介紹錯😋我哋成晚又食又飲，暢所欲言、hea 咗成3、4粒鐘至走，真係大滿足😁😆

上星期五朋友生日，我哋再次嚟花月居酒屋食嘢，發覺嘢食水準一樣咁好味，環境感覺舒適寬敞，我地叫咗支九保田千歲清酒同朋友飲杯慶生，壽司師傅知道我哋有人生日，仲幫我哋砌咗個好靚嘅牛油果軟殼蟹卷物盤，仲靚過生日蛋糕，壽星女非常開心，當佢係生日蛋糕咁，影相影到爆曬鏡，食完飯我哋就繼續慢慢飲酒傾偈，過咗一個好開心又滿足嘅晚上，🥰😍😀😀啲嘢食好味，工作人員又咁窩心，諗得好周到，下次有朋友或者屋企人生日，一定會再嚟😆😆

昨晚同屋企人去尖東食晚飯搵到一間日本居酒屋不妨試下， 點知食物質素好好而且味道唔錯， 刺身及壽司都好新鮮，串燒及炸物味道好食， 侍應服務態度非常友善而且好有耐心地介紹多款食物給我們選擇， 食物價錢又合理， 如果下次再來尖東我會再去食而且會介紹親戚及朋友來這間餐廳食。

此店工作人員態度其差，大聲疾呼客人，特別門口收錢個位服務員，對客人極不禮貌。環境不衞生、裝修舊仲有小強🪳爬來爬去，被嚇一跳！食物亦一般般，不用花錢去試，不會有太大驚喜。

女待應態度十分差，呼喝客人，特別門口收錢老闆娘，我食食下午餐，突然好大力拿起張椅子撞落我枱，嚇我一跳，對不起都唔講一聲。環境不衛生，有小強🪳四圍爬，下次一定唔會再去。

The waitress was rude. I ordered some sushi and yakisoba for dinner. The food was great but it was damn dirty. The waitress dipped her fingers into the sauce to get a dead cockroach out and brought it to our table like we didn't see what she did. We asked for an exchange but she refused. She couldn't speak English and her Cantonese was bad. She started yelling at us in I believe Japanese afterwards, then talked to other customers so they pity her. She was absolutely DISGUSTING.  The flavour of t

尖沙咀返工人士必試。每次來到呢間居酒屋，都係必叫壽喜燒。壽喜燒牛肉鍋$86一set有配飯，小菜，味增湯，幾抵食。牛肉份量都多，配菜有豆腐、香菇、芋絲等等，性價比高。

其實幫襯咗花月已經好多年，通常都係同朋友食晚市，講真你話好好食又未至於，但一定無乜嘢係伏。每樣嘢食都水準內，價錢都合理。食物種類都多，刺身壽司天婦羅炸物串燒鍋物都有👍每次都會叫玉子燒同炸雞軟骨，串燒嘅話牛舌唔算大份，但燒得幾好，唔會太咸太乾。餐廳裝修雖然唔算新不過都坐得舒服燈光偏暗好啱同fd食嘢吹水，唔會有趕客feel，入座仲有熱毛巾俾你抹下手。希望介紹到多啲人去啦，如普通食下飯真係一個唔錯嘅選擇。

一個人去搵午餐食，諗起成日見到好大個banner嘅呢間居酒屋，就去睇吓有咩食，呢個商場好少人來覓食。午餐款式有好多款，令人難以決定丼飯、熟食定食、扒、刺身、烏冬、壽司、天婦羅、蕎麥麵都有。午餐時段人數不多叫咗牛肉烏冬配三色刺身 $98menu上寫著&日式炸雞 &日式餃子我問店員係咪兩樣都有，佢答我只有芝麻雞翼，所以我都係唔清楚本身係咪兩樣都有牛肉烏冬有3塊牛肉左右啦，牛肉幾彈牙、香牛味，應該都唔係太廉價嘅牛肉吧芝麻雞翼幾脆，味道普通3色刺身，三文魚、北寄貝、蝦各一件，一般吧不太鮮味食完好似唔係太飽，另外店員服務一般

朋友鍾意食日本嘢, 就book咗呢間居酒屋試下。用餐當日係平日晚上大約8點, 入到去見餐廳完全無人 環境中上, 枱與枱之間距離可接受。食物方面選擇種類頗多, 而且全部新鮮即整, 所以熱辣辣, 價錢亦合理, 唯上菜頗慢。可是, 職員態度影響整個光顧經驗。一位操流利普通話侍應落單, 溝通上不方便, 每個item我哋都要重覆幾次。雖然有confirm我哋order, 但都係手寫落錯單, 而且嚟錯食物後, 態度頗差, 不肯退換, 最終由老闆娘吩咐侍應幫我哋更換。

完全無service 可言叫左2支sake, 就咁放低支酒就走左去點解個waiter 講普通話, 廣東話同日本都唔識落order 都聽唔明, 要講幾次先落到單d 野食又貴又唔好食我食和民好過佢

食左幾年以前有個靚女阿儀有禮貌又好好介紹魚生師傅手勢一流，都係會介紹合時新鮮飛機貨由一開始同朋友談天說地既有質素居酒屋同今時今日既聽到大大聲發財一定中就知出左事六人晚餐，先叫6隻蠔，一人一粒先，打算好食再叫，大家一齊放入口，腥臭仲要加碎冰向底，叫左個雜錦壽司，只食到濃濃醋味，魚生全部唔新鮮，望左師傅位置好耐，冇人企向到，切魚生竟然係一路負責落單既日本人老闆娘，omg串燒正常，鹽燒三文魚正常，但基本野都好難會難食。好彩叫野慢，唔再加點啦，k.o. 左支清酒已經打算埋單走下場冇咁嬲。濃烈北京口音既姐姐冇禮貌日本人老闆娘同佢講d 蠔唔得冇反應再會了永遠唔會再幫襯

冇呃你，呢度真係成個定食嘅全部！平時好少有得出街食lunch，見同事話試下呢間日本嘢，咪一齊去食啦，坐低叫咗呢個價值$128嘅手握壽司定食，諗住點都會有幾款唔同嘅壽司食下，點知等了又等，等咗差不多半個鐘，有同事都已經食完，我呢份咁嘅「手握壽司」先嚟，佢放低我一望，唔係呀嘛，得嗰4舊壽司，仲要係三文魚同x魚（驚寫錯），其中一塊係全筋咬唔到嘅，再加一舊卷唔到三角形嘅三文魚手卷（塊紫菜係林嘅），一碗麵豉湯，$128就係咁樣，堅係勁嬲！呢幅相係佢一放低，我乜都冇掂過嘅情況之下影嘅😤個侍應到我地食完執枱時自己話，因為今日個壽司師傅放假，呢個係替工，所以啲壽司整得冇咁靚，我反映返呢個完全唔係整得靚唔靚個問題，係本身呢一個餐嘅壽司款式嘅問題，佢話不嬲都係呢啲款式喎，我覺得根本冇可能囉！！我平時都冇寫過食評，今次決定要寫我第一篇嘢，就知我真係有幾嬲😤