海南少爺 (已結業)

海港城血拼完黎食晚餐。餐厅窗边有无敌海景，可惜今晚满座了～茗茶淡淡玫瑰花香，好少系新加坡餐厅饮到玫瑰花茶，感觉特别。👉🏻半只海南鸡＋1汤1饭拣左招牌菜海南鸡，半只份量都几多，去晒骨啖啖肉。鸡胸同鸡髀肉各占一半。鸡髀一定系嫩滑啲，鸡胸都唔硬👌🏼鸡肉底有少少淡豉油，再点三款酱都几滋味😸👉🏻咸蛋黄鱿鱼🦑邪恶之选，鱿鱼大大块，每块都有层沾满咸蛋黄嘅薄脆皮，超香超爽。👉🏻沙茶牛肉芥兰本身想叫马拉盏炒通菜，醒目嘅朋友见到芥兰牛肉都系$98😚好抵食。牛肉同芥兰都好多，两样都几嫩，调味偏浓刚好𩠌饭，全部清晒🙌🏻