Shine (已結業)

食尽尖沙咀嘅朋友, 今日介绍咗呢间喺iSQUARE附近, 非常就脚又好食嘅西餐厅俾我。餐厅环境空旷, 座位都几阔落, 部分卡位设于开阳窗边位, 都几有情调㗎。坐低先叫个小食。大大块蟹饼炸至金黄酥香, 外表香脆, 内层则蓬松柔软, 充满蟹肉, 伴酸酸甜甜嘅菠萝莎莎, 既开胃又解腻。肥美嫩滑嘅鹅肝, 油香扑鼻, 味道同朱古力虽然扯不上关系, 但口感就同朱古力好似, 细致幼滑, 入口即化。多士够晒香脆, 吸收晒鹅肝嘅油份。一碟只有3块, 实在唔系好够喉。猪架扒多肉少脂肪, 如果煮过龙好易造成肉质粗糙, 用慢煮嘅方法就最适合不过。经过啤酒浸泡以及慢煮嘅猪架扒切开说不上幼嫩, 不过亦唔会食到一丝丝粗糙嘅纹理, 啖啖都系肉, meat lovers应该会钟意吧。