喜膳燒

营业中

休息中

由朝早辛苦咗一日到七点，为嘅就系喺呢刻食餐好嘅慰劳自己！串烧店气氛好重要，呢度有得睇波有得听歌，够晒Casual自在。串烧种类多，肉类、海鲜、蔬菜都齐晒，唔想咁heavy仲可以叫乌冬之类嘅主食。钟意海鲜嘅人一定知蒜蓉烧系最香最鲜。珍宝带子好大只，肉好厚，烧完都仲好juicy。粉丝吸晒汁当然系好食啦！串烧肉热石呈上，keep住嗞嗞声~牛舌系去到边都必食嘅串烧，因为牛味浓得嚟又爽口，烧起嚟特别焦香，而且唔会太油。呢度喺猪颈肉系厚切嘅，沙嗲酱汁味道浓陏，甜甜地又有花生香。龙趸卷系呢度喺特色菜。烧过嘅黑豚肉脂肪半溶，脆脆地，酱汁焦糖化，龙趸冇刻意调味，味道主要来自猪肉。而鱼肉都大块，烧完都唔鞋。烧菠萝卖相有趣，有落过心机。虽然焦糖脆脆地几得意，但焦糖外皮再加埋加热后变甜嘅菠萝，整体对我嚟讲实在太sweet喇...玉桂味亦被抢focus。羊架熟度刚好，肥瘦适中，有油香得嚟又啖啖肉。