大樹燒烤 (已結業)

喺尖沙咀发现有间串烧专门店，门口都闻到好香！入到去急不及待嗌咗一打串烧，啲串烧本身已经食得，摆上木盒上面就可以keep 住暖暖地慢慢食～食物种类都算多～先试新疆羊肉同肥牛，虽然啲烧烤粉好惹味，但都食到好香嘅羊肉味！仲有原来烧肥牛系几好食架！唔够味仲可以自行再加孜然粉同辣粉。唔少得烧鸡翼～当中仲有比较特别嘅渣男五花肉，口感好厚身，几juicy!连台式香肠都有～好有风味！相比起肉更加钟意烧菜～例牌一定要食烧茄子，好多蒜味，逐条茄子肉撕出黎食好入味！烧金菇系成幅咁样烧，好味！仲有韮菜，秋葵，翠肉瓜，娃娃菜，土豆片，会愈食愈上瘾，不过个粉都几辣，唔食得辣嘅可以走辣～