影片
更多
2022-11-13
74 浏览
依间餐厅系尖沙咀区一直人气高企，食物质素的确唔错。食物种类繁多，餐牌有文字有相，不过当日我哋冇做好功课，乱叫咗啲食物。虽然依间印度餐厅环境企理，仲有啲fine dining装修嘅feel，但系枱与枱之间好窄，张枱嗌多啲野食已经唔够位放 ，所以有种浪费咗个环境嘅感觉。前菜乱叫咗咖喱角，我天真地以为唔系炸嘅小食，好彩咖喱角足料之余，味道可以，又几香脆，自我制造嘅惊喜！依度嘅butter chicken系我想念嘅味道！蕃茄会落重啲，味道会较酸啲，所以颜色偏橙红。最赞嘅系鸡肉份量都几多又好嫩滑！Truffle naan味道还好啦，正所谓无比较无伤害，但要比较同区一星个间的话，依间就有啲落差 。松露酱搽系面头，松露味有啲太突出，点咖喱唔系好夹。Lamb Shank系高质之选，羊肉唔会太膻，炆得够腍，配薯蓉又几好！叫Mango lassi又系一个笑话，明明我哋见好几张枱饮芒果汁，望来望去成个menu又只系得一款芒果饮品。点知嚟到原来Mango lassi系芒果奶昔，仲要重沙冰！不过味道系唔错㗎，大大杯仲几饱肚！Samosas $72Butter chicken $138Truffle naan $
依间餐厅系尖沙咀区一直人气高企，食物质素的确唔错。食物种类繁多，餐牌有文字有相，不过当日我哋冇做好功课，乱叫咗啲食物。虽然依间印度餐厅环境企理，仲有啲fine dining装修嘅feel，但系枱与枱之间好窄，张枱嗌多啲野食已经唔够位放 ，所以有种浪费咗个环境嘅感觉。
前菜乱叫咗咖喱角，我天真地以为唔系炸嘅小食，好彩咖喱角足料之余，味道可以，又几香脆，自我制造嘅惊喜！
依度嘅butter chicken系我想念嘅味道！蕃茄会落重啲，味道会较酸啲，所以颜色偏橙红。最赞嘅系鸡肉份量都几多又好嫩滑！
Truffle naan味道还好啦，正所谓无比较无伤害，但要比较同区一星个间的话，依间就有啲落差 。松露酱搽系面头，松露味有啲太突出，点咖喱唔系好夹。Lamb Shank系高质之选，羊肉唔会太膻，炆得够腍，配薯蓉又几好！
叫Mango lassi又系一个笑话，明明我哋见好几张枱饮芒果汁，望来望去成个menu又只系得一款芒果饮品。点知嚟到原来Mango lassi系芒果奶昔，仲要重沙冰！不过味道系唔错㗎，大大杯仲几饱肚！
Samosas $72
Butter chicken $138
Truffle naan $48
Lamb shank $258
Mango lassi $42
张贴
