影片
更多
2022-10-23
1005 浏览
兵仔食过会再encore的川菜店非十二味莫属，成日同娘娘或同一大班兵仔一齐去食。呢间仲要系全港各区都好多分店，如果大家心血来潮又想食下川菜，可以试吓佢。💕💂🏼《人见人爱酸菜鱼》$228呢份酸菜鱼嘅份量好多，当日兵仔同娘娘五个人一齐食见到佢咁大盆上枱都吓亲😂佢嘅份量超级多，除咗鱼片之外仲有好多配菜，例如酸菜莴笋等等。汤底嗌咗小辣，平时食唔到辣嘅朋友仔都可以食到👍🏻汤底好浓郁而且唔会太咸，鲜鱼片亦都好厚身嫩滑，cp值超高。评分: 88/100💂🏼♀️《霸王辣子鸡》$148食川菜兵仔最钟意就系嗌辣子鸡，细细粒好有咬口攞嚟送饭就一流🤤呢碟辣子鸡份量超多，每粒炸到好香脆，配埋辣椒炒香，麻香带辣，令到你上瘾不停食😂😂评分: 85/100💂🏼♀️《川香回锅肉》$98 回锅肉唔系间间都炒得好食，十二味呢度用五花腩片炒，仲有好多辣椒同埋韭菜做配菜，炒到充满油香😳一放入口啲肉汁同麻辣嘅香味即刻刺激味蕾，呢个小菜大推。评分: 82/100💂🏼♀️《水煮牛肉》$148嗌得酸菜鱼，一定会嗌埋水煮牛肉，都系拣咗小辣，因为红油关系会比酸菜鱼较辣。啲鲜牛嫩而唔韧，娘娘拎黎送饭仲食唔停口😎唔好睇佢好似好油咁，但一啲都唔
💂🏼《人见人爱酸菜鱼》$228
呢份酸菜鱼嘅份量好多，当日兵仔同娘娘五个人一齐食见到佢咁大盆上枱都吓亲😂佢嘅份量超级多，除咗鱼片之外仲有好多配菜，例如酸菜莴笋等等。汤底嗌咗小辣，平时食唔到辣嘅朋友仔都可以食到👍🏻汤底好浓郁而且唔会太咸，鲜鱼片亦都好厚身嫩滑，cp值超高。
评分: 88/100
💂🏼♀️《霸王辣子鸡》$148
食川菜兵仔最钟意就系嗌辣子鸡，细细粒好有咬口攞嚟送饭就一流🤤呢碟辣子鸡份量超多，每粒炸到好香脆，配埋辣椒炒香，麻香带辣，令到你上瘾不停食😂😂
评分: 85/100
💂🏼♀️《川香回锅肉》$98
回锅肉唔系间间都炒得好食，十二味呢度用五花腩片炒，仲有好多辣椒同埋韭菜做配菜，炒到充满油香😳一放入口啲肉汁同麻辣嘅香味即刻刺激味蕾，呢个小菜大推。
评分: 82/100
💂🏼♀️《水煮牛肉》$148
嗌得酸菜鱼，一定会嗌埋水煮牛肉，都系拣咗小辣，因为红油关系会比酸菜鱼较辣。啲鲜牛嫩而唔韧，娘娘拎黎送饭仲食唔停口😎唔好睇佢好似好油咁，但一啲都唔油腻，入面嘅粉条仲吸晒啲味，正！
评分: 80/100
💂🏼《经典香辣锅 》$38 (每款配料加$28-$48）
干锅拣咗小辣加埋其他配菜一齐炒！配菜嗌咗午餐肉、莴笋、五花腩片、牛柏叶同宽粉😍一上枱已经好香好吸引，嗌干锅嘅好处就系可以嗌晒自己钟意食嘅配菜再配埋麻辣十分之惹味！午餐肉炸到外脆内软，其他配菜同麻辣都好夹，加埋个宽粉来食真系非常之啱啱好。
评分: 88/100
💂🏼《红糖糍粑》$48
梗系要嗌个甜品嚟埋尾啦，呢个红糖糍粑喺必选，烟烟韧韧的口感，外脆内软，一咬好似食紧暖暖的糯米糍，表面洒上很多黄豆粉，点黑糖来吃实在无得弹，每人可以食到2-3条。
评分: 85/100
总结：
呢间嘅环境十分之大，同朋友聚会呢间系一个好嘅选择。而且佢每样食物都十分出色，价钱亦都相宜👍🏻如果大家想食川菜，可以嚟呢间试一试！
颁发军阶：元帅🎖🎖🎖🎖🎖
张贴
