JUST'er Bar & Restaurant

营业中

休息中

终于过来试呢间人气店，成日比人洗板，而且之前经过都见到「全院满座」，原来真系几抵食！环境大玩霓虹灯，小店唔算大，所以都有用餐时间。餐牌选择唔算太多，但都足够，重点系价钱唔太贵。 垃圾八爪鱼 $48必点！$48咁大盆，原只小八爪鱼，裹上少许炸粉去炸，好有咬口，如有酒配酒一流！ MK鳗鱼蛋包白饭 $118 香港食鳗鱼饭比较贵，但呢到价钱相对上相宜。鳗鱼汁够哂多，鳗鱼也可以，仲有玉子，蛋可以厚身同滑身d就更好，而个人认为将白饭改成珍珠饭会更吸引！焗多汁猪仔骨配薯条 $128 Pork rib又系一样贵价食物，但呢到同样价钱较便宜。猪仔骨份量十足，肉质正常，食完饱肚感递增。焦糖棉花糖布甸奶昔 $48 叫咗杯几特别嘅奶昔，饮落去棉花糖味几特出。