影片
更多
2022-05-16
67 浏览
呢间喺尖沙咀海港城嘅韩式餐厅Terrace in seaside。餐厅人气好高，人龙排极都有，我哋都排咗好耐先食到。泡菜炖五花肉蛋包饭：蛋包饭系呢度其中嘅招牌菜，差不多系每台都会必点，我哋呢次就叫咗泡菜炖五花肉。五花肉好大旧，用咗秘制嘅酱汁嚟炖，肉质够哂软腍之余仲够哂入味。加埋泡菜更加惹味。传统紫菜饭卷：系传统韩式嘅紫菜卷，入面用料丰富，有红萝卜丝，腌黄瓜，肥牛等材料，每件都爆哂馅，而且佢哋用嘅饭都带有阵阵嘅麻油香，令人食欲大增。酱油蒜头无骨炸鸡半份：炸鸡外脆内嫩，入面仍然有好juicy嘅肉汁，而呢次系酱油蒜头口味，蒜味都几浓，酱油香味唔会比蒜味抢哂，亦都唔会太咸，加埋系无骨，够哂方便。水果忌廉三文治：系近期大热打卡嘅水果忌廉三文治，入面用咗多款嘅水果同埋劲多好轻盈嘅忌廉，味道有啲似食鲜果忌廉蛋糕嘅感觉，不过用嚟打卡就最啱。提拉米苏蛋糕：佢哋嘅提拉米苏用咗espresso加埋rum酒，味道好突出，完全可以同出面嘅甜品店所媲美。济洲柑橘乳酪：呢杯饮品系用咗呢间餐厅嘅主题柑橘所做嘅，柑橘清香之余仲带有酸酸甜甜嘅果味，够哂开胃醒神。济洲柑橘乳酸梳打：颜色亮丽，用嚟打卡影相就最啱。柑橘嘅果味同
呢间喺尖沙咀海港城嘅韩式餐厅Terrace in seaside。餐厅人气好高，人龙排极都有，我哋都排咗好耐先食到。
泡菜炖五花肉蛋包饭：蛋包饭系呢度其中嘅招牌菜，差不多系每台都会必点，我哋呢次就叫咗泡菜炖五花肉。五花肉好大旧，用咗秘制嘅酱汁嚟炖，肉质够哂软腍之余仲够哂入味。加埋泡菜更加惹味。
传统紫菜饭卷：系传统韩式嘅紫菜卷，入面用料丰富，有红萝卜丝，腌黄瓜，肥牛等材料，每件都爆哂馅，而且佢哋用嘅饭都带有阵阵嘅麻油香，令人食欲大增。
酱油蒜头无骨炸鸡半份：炸鸡外脆内嫩，入面仍然有好juicy嘅肉汁，而呢次系酱油蒜头口味，蒜味都几浓，酱油香味唔会比蒜味抢哂，亦都唔会太咸，加埋系无骨，够哂方便。
水果忌廉三文治：系近期大热打卡嘅水果忌廉三文治，入面用咗多款嘅水果同埋劲多好轻盈嘅忌廉，味道有啲似食鲜果忌廉蛋糕嘅感觉，不过用嚟打卡就最啱。
提拉米苏蛋糕：佢哋嘅提拉米苏用咗espresso加埋rum酒，味道好突出，完全可以同出面嘅甜品店所媲美。
济洲柑橘乳酪：呢杯饮品系用咗呢间餐厅嘅主题柑橘所做嘅，柑橘清香之余仲带有酸酸甜甜嘅果味，够哂开胃醒神。
济洲柑橘乳酸梳打：颜色亮丽，用嚟打卡影相就最啱。柑橘嘅果味同乳酸梳打嘅味道好夹，令人更加有透心凉嘅感觉。
张贴
