Gram Cafe & Pancakes

营业中

休息中

收工同FD食好嘢，拣咗哩间人气pancake店。晚市唔算full，2人都可以坐到4人位，唔错。特登拣咗一个靓位，方便打卡。今日拣咗BLT三明治， 超人气招牌梳乎厘班戟， 石板街班戟同热抹茶拿铁。热抹茶拿铁好快黎咗，抹茶味好浓，同拿铁balance得几好，饮落唔算甜，唔错。BLT三明治好surprise，面包烘得脆啵啵，夹住沙律酱，番茄，生菜同猪扒。一口落去爆哂汁，劲好味。猪扒预先做过处理，食落好嫩同埋好大件，求其叫啲三明治估唔到更好味。伴碟仲有大大份嘅炸薯同沙律菜，全部食哂TIM。超人气招牌梳乎厘班戟，一日只做3转，每次都有限定个数，班戟送过来仲弹下弹下，睇落好似好Q弹下。班戟入口即化，已经有少少甜味，啱哂我啲口味。Cream食落好幼滑同埋都系微甜，同班戟一齐食加咗分。石板街班戟好靓，系有3层薄班戟，每一层cream都唔同，上面cream好清爽，下面cream浓郁少少，仲伴有焦糖脆脆，腌制车厘子同棉花糖。一啖落去，巧克力味好重，口感好丰富，好味！食完石板街班戟真系超饱肚，收工食到更好味啲甜品，真系劲开心LOL！