古今二 (The ONE)

营业中

休息中

今天同FD行街，见到the one开咗古今二，之前在荃湾食过哩间铺头，味道价钱都唔错，近近地有一家，一定要再试试。店铺装修得几INS风，打卡一流。龙卷风沙律，睇到都O晒嘴，劲大一份，沙律种类好丰富，有蟹柳丝，沙律菜，中华海草，牛油果等，沙律酱酸酸甜甜系店铺特制，同沙律菜好夹。黑豚猪颈肉串烧，猪颈肉烧得好香口，食落唔会好油，少少调味已经好好味。鹿儿岛黑豚荔枝卷，黑豚包住荔枝好少见，荔枝烤完好甜，OK。盐烧鲭鱼，鲭鱼皮烧到脆啵啵，内里肉仲好嫩，点埋柠檬同豉油一齐食，好味。古今二最出名系佢各种创意卷，今次拣咗彩虹卷，一份卷真系好似彩虹咁，卷上面铺咗刺身同牛油果，食落层次好丰富，牛油果同刺身好夹，好似刺身上加咗cream，好味。食完出来，外面已经大排长隆，下次想食真系要早少少来啦！