黑木亭居酒屋 (金馬倫道)

今日晚餐去左呢间位于尖沙咀既日本餐厅，睇地铺既外表平平无奇咁。上紧楼梯先时候先见到佢地无论装修定气氛都做到好似去左日本咁，呢度几加分的。同埋呢度环境好舒服，如果下次有朋友生日或者想倾偈饮野可以再拣呢度呢❤️野食方面都劲有惊喜，好有特色！唔似一般日本餐厅咁。来来去去都系个啲野。呢个黑木亭原创既黑糖啤酒拉面就够晒特别了:⁠-⁠)上面白色那堆系好似奶油来的（我都唔太肯定），小小甜加上黑糖。食落口感有趣！而且感觉似食冷面的，岩晒夏天食呀！外观岩晒中意打卡既朋友仔！另外呢间日本餐厅既饮品都好得意！忍唔住同朋友叫左一人一杯，haha...呢只熊仔真系超得意，而且杯饮品几好饮添！酸酸甜甜正呀！薯条我觉得就就普普通通啦！只系上面加左啲奶油。但我朋友话几好食。成碗野佢食晒咁济...我自己就最中意食下面呢个山葵烤肉盘，岩晒懒人又想食烤肉既我！因为肉本身已经是煮的了呀！下面有火加热的,非常方便！味道仲好浓郁，夹生菜食就岩岩好了！