Espuma (H8) (已易手) 新餐厅

几个女仔一齐梗系钟意去一啲餐厅偏向Cafe类型嘅地方食嘢， 钟意啲地方有好嘢食、又可以倾计嘅地方。我哋叫咗一个黑松露酱炒鲜什菌宽条面、Parma ham pizza、招牌水果茶同埋一个水果雪糕窝夫。阔条面嘅黑松露酱好香浓，连埋其他菇类一齐炒，令到个意粉除咗有黑松露香味，仲有菇类嘅鲜味。阔条面嘅软硬亦都煮得适中，酱汁都能够包裹每一条面条，所以阔条面真系唔错。Pizza亦烤得好脆，加上配有火箭菜，令pizza味道唔算太油腻，但系parma ham质地比较干，要成块放入口慢慢咬。水果窝夫味道正常，窝夫有少少蛋香味同脆。水果茶亦比想像中好，除咗有水果淡淡的甜味， 甜味过后就有茶味散发出嚟，几啱配甜品。舒舒服服地边倾计、边食嘢，差不多坐咗两个钟先走。