新竹園軒

营业中

休息中

试咗尖沙咀新竹园轩嘅奢华珍馐2人套餐，原价$1,080，依家做紧优惠$580/位，真系超级抵食😍首先上枱嘅系生拆蟹肉翅，呢碗汤一上枱已经闻到阵阵蟹香。汤底鲜甜，蟹肉一丝丝，配埋鱼翅嘅Q弹口感，yummy 😋接住系芝士龙虾，大大只龙虾肉质鲜甜，配上香浓嘅芝士酱，味道浓郁但又唔会过腻。底下铺咗一层伊面，吸晒龙虾汁同芝士酱，每一啖都好满足。清蒸海斑系我哋其中一个最期待嘅菜式，海斑新鲜得嚟肉质嫩滑，蒸得啱啱好，鱼味浓郁又唔会过咸，保持住鱼嘅原汁原味。配埋豉油同葱花，真系完美嘅搭配。8头鲍鱼拼辽参。鲍鱼煮得好腍好入味。辽参亦都唔错，感觉满满骨胶原。带子西兰花呢道菜色香味俱全。带子煎鲜味，配埋清甜嘅西兰花，味道清新又健康。最后主食系瑶柱蛋白炒饭，炒饭粒粒分明，瑶柱嘅鲜味渗透入每一粒饭。饭后甜品系南瓜露及咋喳。