宴 尖沙咀

发掘尖沙咀好去处，除咗行商场之外，梗系唔少得发掘吓有咩好嘢食，尖沙咀一到夜晚就爆晒人，要拣餐厅嘅话梗系要试吓啲有噱头嘅餐厅啦。呢间以日式风格做主打嘅餐厅，啱晒我哋一边食，一边relax，一边倾偈吹水面头落咗啲黑胡椒同埋南蛮味增嘅厚烧牛舌南蛮，厚度有成2cm咁滞，牛扒都冇咁厚，食落又唔会韧到有筋，加埋啲柠檬汁一齐食，酸酸咸咸咁，都几好食。冲绳腐乳听落好新奇有趣，梗系要试吓！其实食落去个味道同芝士蛋糕有啲似，腐乳用喺甜品度竟然意外地咁夹！猪肉柚子胡椒烧，炒猪肉面筋同埋烧猪手整得几出色，猪肉片切得薄薄哋好香口，炒得好香，食落去好惹味，肥瘦均匀，真系会食唔停口。鸡肉棒系用新鲜嘅食材自己整嘅，外皮烧得好脆口，入面唔会太多软骨，所以更加松软绵滑，点埋啲蛋黄酱之后口感仲滑，系我嚟食日料必点嘅item👍苦瓜炒猪肉：苦瓜、猪肉、鸡蛋等等一齐炒，讲真要食之前都系会有一丝犹豫嘅，但下一秒就觉得犹豫系多余嘅。同平时食开嘅苦瓜唔同，呢碟苦瓜处理得好好，回甘鲜甜，瓜肉爽脆，真系一啖接一啖食唔停。食完饭嚟个菠萝雪葩，特别清新。成个新鲜菠萝起肉打成雪葩，再摆喺菠萝入面拎上嚟，菠萝香味特别浓郁，冰感幼细，而且唔会太甜。