海景咖啡廊

营业中

休息中

所谓「食乜影乜先至系写食评嘅原则」，肥仔奇今次亦唔例外，只会影自己有食过嘅嘢。埋位梗系先嚟生蚝，唔知点解呢度负责拣蚝𠮶位硬系钟意出啲爽口而肉削，但系就好鬼咸嘅生蚝。新鲜呢就系一定嘅，好唔好食呢就见仁见智嘞。但系肥仔奇唔系太识欣赏呢种生蚝，但系都食到两打。肥仔奇食自助餐，除非𠮶度真系冇乜选择，否则系情可食烟三文鱼都唔会食三文鱼刺身嘅。点解？周时四围都有得食嘛。呢度嘅烟三文鱼烟熏味唔错，不过肉质就散咗啲。巴马火腿配蜜瓜就有如咸酸菜炒牛乜嘢一样，系梗胆孖宝嚟。蜜瓜嘅甜沟埋巴马火腿嘅咸，然后一阵蜜瓜味加一阵猪味咁交叉重叠涌出，确系人生一大享受。出面好多自助餐嘅长脚蟹系一只一只脚咁上嘅，而呢度系成抽咁上嘅。识食又唔嫌烦就梗系食「蟹摃」啦，最厚肉最鲜甜嘛！呢度另一样不可不食嘅系烤羊架，平时出去啲串烧店讲紧系要六、七十蚊先食到一件，呢度当然系任你食之余，仲要系羊肉味浓郁兼爆汁。刺身档有啲好好味嘅日式渍物，酸酸甜甜咁好开胃㗎！呢度嘅炖汤长期都系饮落唔够火喉，稀咗啲淡咗啲，冇老火汤嘅魅力。如果你有肥仔奇咁深厚嘅唔怕寒凉内功修为，再加上一人等于三人嘅食量的话，你不妨好似我咁响食完两打生蚝之后嚟一个七球雪糕