喫茶ちょうぼ

营业中

休息中

一直以为呢间系一间靓靓打卡日式cafe，食物未必好出色，眼见啲食物个样同啲碗碗碟碟都系好复古嘅日式风格。但原来佢打卡得黎个蛋包饭都好好食。佢定价都偏中等偏贵，主要有蛋包饭、意粉同定食。我地叫咗个吉列猪扒同汉堡扒蛋包饭。龙跃和牛汉堡蛋包饭估唔到仲食到新年限定嘅和牛汉堡蛋包饭。上到枱，店员会等你影晒相再帮你切开，等你可以靓靓地打卡，切开晒之后会再淋番啲汁上面。本身个饭加咗啲脆肉瓜同红萝卜一齐炒过，面头果块汉堡扒好厚好juicy，牛味都几浓，唔洗就住就住咁送饭食，完全对得住个价钱。极厚切吉列猪扒饭吉列猪扒觉得正常发挥，又未到真系极厚。炸粉唔厚，肉质都嫩，捞埋滑蛋同个酱汁好好送饭。两个酱汁对比我会钟意吉列猪扒果个多啲，酸酸甜甜 ; 蛋包饭果个就普通gravy汁，唔算太浓味。餐厅menu冇set lunch，全部都散叫，今次食得太饱都冇另外再叫饮品/甜品。整体环境都算好坐，食物上枱速度都快，系一间下次都会想入食嘅餐厅。