潮發粥麵茶餐廳

营业中

休息中

招牌牛三宝面牛三宝有牛腩、牛筋、牛肚，卖相吸引，牛腩大件多肉，咬开一丝丝而且嫩滑。牛筋啖啖骨胶原，煮得岩岩好，弹牙又轻易咬开。牛肚弹牙，煮到入晒味。面底爽口弹牙，而且挂汁。捞面既腩汁带少少辣味，超正。而捞面附送的上汤，有啲人会捞落面一齐食，而我就会分开饮。呢个食法都比较正宗，因为香港的捞面用了碱水面，面较身干及易黏在一起，所以会附上一碗汤，供食客饮用，系香港独有食法。不过点食都好只要啱自己口味就得😆酸辣皮蛋有啲辣味既酸菜同皮蛋，味道好夹，超开胃。另外将啲酸菜加落捞面度又别有一番风味。冻柠茶港式柠檬茶，茶底微涩，柠檬大大块厚切，正👍