影片
更多
2023-07-15
339 浏览
Bingo & Cook📍尖沙咀么地道37-41号港汇广场地下17-20 & 31-34号舖难得约到朋友食饭，今次特登拣咗间新开嘅韩国菜分店聚餐，呢度嘅气氛好有韩国地道特色，店员同食客都多韩国人，室外仲设有帐幕，加上餐厅喺系巷仔入面，所以真系有啲似去咗韩国。一坐低就上咗泡菜同前菜，个人特别欣赏佢个西兰花，爽口之余带有淡淡香肠嘅香气。我自己唔太受得辣，所以唔系太食到个泡菜，但食得辣嘅朋友表示唔辣好好食，所以如果你系食得辣嘅就务必试下个泡菜啦！ 💰$580酱油海鲜 (连饭) 🦀🦐一个酱油海鲜入面有2只酱油蟹、2只酱油虾、3只酱油扇贝、3只酱油鲍鱼，非常丰富。蟹肉蟹膏甘甜、虾肉新鲜厚肉、扇贝鲜嫩、鲍鱼弹牙，钟意食海鲜嘅一定会食得好满足。跟上嘅饭系紫菜饭，好重油香同芝麻香，有别一般嘅紫菜饭，佢有加入红米，好味得嚟又健康。 💰$200酱油炒猪肉 🐖一般都食开辣炒乜乜，今次就试试酱油炒猪肉，估唔到都几有惊喜！因为佢嘅酱油咸中带甜，猪肉虽带脂肪但唔会油腻，味道偏重口味，配白饭食一流！除咗猪肉片，佢仲落咗洋葱、大葱同金菇菜炒，食落好够镬气。 💰$145牛骨汤 🐄呢度牛骨汤同想像中有啲出入，因为无谂过佢
📍尖沙咀么地道37-41号港汇广场地下17-20 & 31-34号舖
难得约到朋友食饭，今次特登拣咗间新开嘅韩国菜分店聚餐，呢度嘅气氛好有韩国地道特色，店员同食客都多韩国人，室外仲设有帐幕，加上餐厅喺系巷仔入面，所以真系有啲似去咗韩国。
一坐低就上咗泡菜同前菜，个人特别欣赏佢个西兰花，爽口之余带有淡淡香肠嘅香气。我自己唔太受得辣，所以唔系太食到个泡菜，但食得辣嘅朋友表示唔辣好好食，所以如果你系食得辣嘅就务必试下个泡菜啦！
[价钱 Price]
💰$580
酱油海鲜 (连饭) 🦀🦐
一个酱油海鲜入面有2只酱油蟹、2只酱油虾、3只酱油扇贝、3只酱油鲍鱼，非常丰富。蟹肉蟹膏甘甜、虾肉新鲜厚肉、扇贝鲜嫩、鲍鱼弹牙，钟意食海鲜嘅一定会食得好满足。跟上嘅饭系紫菜饭，好重油香同芝麻香，有别一般嘅紫菜饭，佢有加入红米，好味得嚟又健康。
[价钱 Price]
💰$200
酱油炒猪肉 🐖
一般都食开辣炒乜乜，今次就试试酱油炒猪肉，估唔到都几有惊喜！因为佢嘅酱油咸中带甜，猪肉虽带脂肪但唔会油腻，味道偏重口味，配白饭食一流！除咗猪肉片，佢仲落咗洋葱、大葱同金菇菜炒，食落好够镬气。
[价钱 Price]
💰$145
牛骨汤 🐄
呢度牛骨汤同想像中有啲出入，因为无谂过佢系牛𦟌加牛骨汤底嘅面，虽然唔系一向食开好香浓嘅原枝牛骨汤，但个面好顺口，朋友食嘅牛𦟌亦好淋身无筋，都值得一试嘅。
[价钱 Price]
💰$198
蜂蜜黄油炸鸡 (全份) 🐓
全份嘅蜂蜜黄油炸鸡份量比想像中少，鸡件带骨，件数亦唔算大，但味道都唔错，外皮炸得金黄香脆，满满嘅牛油蜂蜜味。我食咗一件鸡胸肉，鸡肉有汁唔鞋口，唔系食过最好食嘅韩式炸鸡，但有想二刷嘅冲动。
[价钱 Price]
💰$65
吞拿鱼紫菜包饭 🍱
全部菜式入面我最钟意呢个吞拿鱼紫菜包饭，因为食过咁多次韩国菜都好似无食过吞拿鱼，觉得几新颖！饭卷有酸瓜、红萝卜丝、青瓜丝同主角吞拿鱼，饭量适中，食晒成条都唔会过饱，当做主食或多人share食都好啱！
[价钱 Price]
💰$42
西柚碳酸水 🍹
西柚味极浓，唔钟意酸味饮品嘅未必接受得到，但钟意嘅大概会爱上佢清新嘅西柚味。
张贴
