B’hood

营业中

休息中

Bookmark咗哩间酒吧好耐，今日终于得闲打卡。成间餐厅装修得好梦幻，劲多打卡位。晚市都有好多嘢食可以拣，当然一定要叫杯cocktail啦，FD今日唔饮得酒，咁我代她试试啦。Hanakotoba, 真系超靓，好似手捧花咁。饮落酒味唔重，有少少甜味同埋花香，好睇又好饮。经典西班牙蛋饼，每一台都必叫。蛋饼搭配埋4份伴碟，有腌酸菜，茄汁豆，番茄沙沙同沙律酱。蛋饼内容好丰富，食到烟肉，肠仔，青椒，薯仔同芝士。芝士烟肉同蛋饼真系好夹，每一啖都负FULL晒芝士香，好味。全日早餐，配料劲丰富，有烟三文鱼，香草猪肉肠，西班牙辣肉肠，黑松露炒蛋，茄汁豆同埋酥皮窝夫等。西班牙辣肉肠唔会好辣，食落好juice，2条完全唔够食。黑松露炒蛋，黑松露味好重，同炒蛋好夹，全部食晒。焦糖香蕉配酥皮窝夫伴雪糕，焦糖香蕉同窝夫好夹，加埋云尼拿雪糕一齐食，超好味。哩间餐厅冇bookmark错，餐厅好啱打卡，嘢食唔错！