Papa Joe (已結業)

今晚同朋友食晚饭，一时兴起想食墨西哥菜，选择咗呢间系诺士佛台嘅餐厅。餐厅好阔落，占据晒全层，位同之间隔得好远，好有私隐。墨西哥脆片：每次食墨西哥菜都一定要点。唔似出边某啲餐厅直接用薯片，呢间餐厅真系用粟米片，值得一赞。上菜𠮶阵热辣辣，啲芝士仲系半溶，牛油果酱都俾得好多，唔会食几块就冇晒，好满足。牛肉馅饼：其实啲配料同墨西哥脆片𠮶啲差唔多，唔同系佢焗左，馅料入面有牛肉，都系热辣辣，牛肉好冧，超级惹味。