鮨石 (已結業)

同朋友庆祝生日，想食好啲，嚟到呢间位于尖沙咀嘅omakase鮨石。成晚食咗好多嘢，啲嘢好多都好有特色，除咗有好多无乜食过嘅鱼，啲酱汁等等配搭都十分特别。师父友善健谈，倾落原来老细有间西餐厅，所以设计菜式都会加咗少少西式元素，非常特别。前菜有海胆酱拌吞拿鱼刺身加上果茄同醋海藻，开开个胃先😋帆立贝同赤贝刺身十分鲜甜，好似落咗糖咁然后嚟到我最爱嘅𫚕鱼刺身，好有口感，上面撒咗柚子胡椒，带嚟一啲酸酸嘅风味，好特别。银雪鱼白子刺身大旧，上面加咗少少辛辣辣地嘅酱，creamy大满足！另一样出色嘅系八爪鱼煮物，口感唔错，有鲍鱼同海胆味，两者都好鲜甜。全晚最爱系拖罗三文治，面层炸到少少脆，劲大旧拖罗，夹喺面包入面，加啲酸酸地嘅好好食～寿司方面有剥皮鱼、石垣鲷同梭子鱼、沙甸鱼同一只叫hawahagi嘅鱼～最后师父话有吞拿鱼稀有部位，原来系吞拿鱼额头寿司，入口即溶～最后就再加多旧超鲜甜嘅海胆！最后送上汤同甜品，甜品系有酒香嘅香蕉雪糕brownie，味道浓郁，香蕉同朱古力嘅结合好好食，是日大满足～