影片
更多
2015-02-07
2522 浏览
今晚嚟到海运呢度试新口味。响呢度入去转左。男人揸机总系容易被误会，全部望镜头。唔驶咁紧张望镜头嘅，写吓食评啫。入面仲有好大地方，但我住出面，冇入去八卦。就快打烊至难得拍到咁少人。连个天花都整得好企理。我哋两个人就坐响呢度。终于嚟到戏肉点菜环节，首先嚟个有图有真相先。实物畀餐牌靓仔，包住菜食口感奇脆，可惜馅料未见突出，既食唔出馅入面有啲乜嘢，而唔知系乜嘢嘅时候，只要佢好味亦无问题，之但系除左爽脆之外，我谂唔到有咩原因下次要再食一次，粤式茶楼春卷会更吸引我。批曰：「一试无妨，再叫无谓。」嚟个河内生牛肉粉。粉爽有米香，汤底清甜，牛肉口感乃本地手切，牛味足，佐以九层塔、金不换、紫苏、薄荷等同食，掂过碌蔗！批曰：「可一可再。」女友对串烧有兴趣。见到餐牌上有张咁嘅图，于是问经理系咪有拼盘（我前后检视餐牌三次都只见图，不见文，不见价），经理话有。又系实物靓仔过图片。虾好有虾味，但由于烧过火少少，肉质呈现擦纸胶化。鸡系非战之罪，响活鸡不足，且早就唔流行㓥活鸡做商业食材嘅年代，冰鲜鸡同雪藏鸡鲜味缺乏嘅原罪，只能够响腌料上作出补救。牛过咗火，牛味够，但系略见柴皮。最大镬系个酱，个汁调到好难食，味度怪鸡。虽
今晚嚟到海运呢度试新口味。
响呢度入去转左。
男人揸机总系容易被误会，全部望镜头。唔驶咁紧张望镜头嘅，写吓食评啫。
入面仲有好大地方，但我住出面，冇入去八卦。
就快打烊至难得拍到咁少人。
连个天花都整得好企理。
我哋两个人就坐响呢度。
终于嚟到戏肉点菜环节，首先嚟个有图有真相先。
越式炸春卷
$60
90 浏览
0 赞好
0 留言
嚟个河内生牛肉粉。
河内生牛肉粉
$58
124 浏览
0 赞好
0 留言
河内生牛肉粉
$58
102 浏览
0 赞好
0 留言
河内生牛肉粉
$58
110 浏览
0 赞好
0 留言
女友对串烧有兴趣。
见到餐牌上有张咁嘅图，于是问经理系咪有拼盘（我前后检视餐牌三次都只见图，不见文，不见价），经理话有。
串烧拼盘
$190
70 浏览
0 赞好
0 留言
最大镬系个酱，个汁调到好难食，味度怪鸡。
虽然呢三种食材本身都做得麻麻哋，但系此店值得一赞之处系你哋从图片都也许已经发现咗：
配菜量多且新鲜！九层塔、金不换、紫苏、薄荷、生菜，冇一样唔掂！而我最欣赏系个薄荷，除咗响云南山区食过香而不苦叶又嫩嘅新鲜薄荷之外，食匀全香港都冇食翻果只新鲜度！
批曰：「三选一牛。」
畀大家睇睇配料。
越式热咖啡
$38
111 浏览
0 赞好
0 留言
女友评语：「呢只咖啡味好陌生，炼奶味好淡。」
我评语：「佢系雀巢炼奶，唔系寿星公炼奶。」
批曰：「只此一次。」
埋单HKD381.00，笑脸只畀个生牛肉粉。
题外话/补充资料：
个人认为嚟呢度系食菜同埋食粉嘅，其它嘢食都麻麻哋。串烧点拼盘会比散叫三款平少少。
(以上食记乃用户个人意见 , 并不代表OpenRice之观点。)
张贴
