影片
更多
2024-10-08
292 浏览
🏮852居酒屋（尖沙咀）呢度主打串燒同埋和風美食，店內空間闊落，以木製擺設營造氛圍。坐喺度可以近距離見到師傅即場燒製串燒，充滿日式居酒屋嘅氣氛。🥂852海膽杯 $268第一個就要介紹呢個，係佢哋嘅signature，好靚，影相打卡正。上邊係新鮮嘅海膽，下邊係切好嘅壽司杯，真係好新鮮好好味，視覺味覺雙重享受！🍣刺身拼盤 $128拼盤擺得靚靚，有三款刺身：三文魚油香豐腴，口感滑溜；油甘魚肉質結實有彈性，清新爽口；吞拿魚肥美多汁，鮮味濃郁。🦀甲羅燒（配多士） $68蟹嘅味好鮮，加上脆卜卜嘅三文鱼籽，同蟹膏一齊搽喺多士上面，一口一個好正。🥗三文魚籽薯仔沙律 $58軟綿綿嘅薯仔沙律上面放滿飽滿嘅三文魚籽，魚子香濃，淋上清新嘅沙律醬，再加埋爽脆嘅生菜，清新開胃，配搭得啱啱好。🍄芝士黑松露大啡菇 $48超濃嘅黑松露同埋超濃嘅芝士流心好香。🍤雜錦天婦羅 $148天婦羅色彩繽紛，有茄子、番薯、南瓜、大蝦。大蝦外脆內嫩，鮮甜爽口又唔油膩。蔬菜帶有天然嘅甜香。🍡明石玉子燒 $88我幫佢起咗個名，叫蛋丸子😂以為章魚小丸子原來係我未食過嘅一款玉子燒，好特別。🍢雞肉串燒拼盤 $168每款串燒都有自己嘅特色，香噴噴
呢度主打串燒同埋和風美食，店內空間闊落，以木製擺設營造氛圍。坐喺度可以近距離見到師傅即場燒製串燒，充滿日式居酒屋嘅氣氛。
🥂852海膽杯 $268
第一個就要介紹呢個，係佢哋嘅signature，好靚，影相打卡正。上邊係新鮮嘅海膽，下邊係切好嘅壽司杯，真係好新鮮好好味，視覺味覺雙重享受！
🍣刺身拼盤 $128
拼盤擺得靚靚，有三款刺身：三文魚油香豐腴，口感滑溜；油甘魚肉質結實有彈性，清新爽口；吞拿魚肥美多汁，鮮味濃郁。
🦀甲羅燒（配多士） $68
蟹嘅味好鮮，加上脆卜卜嘅三文鱼籽，同蟹膏一齊搽喺多士上面，一口一個好正。
🥗三文魚籽薯仔沙律 $58
軟綿綿嘅薯仔沙律上面放滿飽滿嘅三文魚籽，魚子香濃，淋上清新嘅沙律醬，再加埋爽脆嘅生菜，清新開胃，配搭得啱啱好。
🍄芝士黑松露大啡菇 $48
超濃嘅黑松露同埋超濃嘅芝士流心好香。
🍤雜錦天婦羅 $148
天婦羅色彩繽紛，有茄子、番薯、南瓜、大蝦。大蝦外脆內嫩，鮮甜爽口又唔油膩。蔬菜帶有天然嘅甜香。
🍡明石玉子燒 $88
我幫佢起咗個名，叫蛋丸子😂以為章魚小丸子原來係我未食過嘅一款玉子燒，好特別。
🍢雞肉串燒拼盤 $168
每款串燒都有自己嘅特色，香噴噴嘅。大蔥雞肉緊實多汁，油香濃郁，加埋燒大蔥更加香。雞肝同雞腎肉質軟滑，味道濃郁特別。雞尾同雞頸烤到酥脆可口，炭燒香氣撲鼻。
🍆日式茄子 $68
上面有脆卜卜嘅小蝦米，醬汁好濃郁，口感層次豐富。
🐷日式豬肉炒銀芽 $78
估唔到呢個咁好味，豬肉嫩滑多汁，好大塊！銀芽清脆爽口。豬肉入口香濃美味，好下飯。
🍧忌廉雪糕梳打 $58@
我哋揀咗白桃、柚子、巨峰同蜜瓜四種口味，清新解渴，帶有淡淡果香。酸甜冰涼，同雪糕完美融合，飲完好開心。
♡♡♡♡♡♡♡♡♡♡♡♡♡♡♡♡♡
🍴餐廳：852居酒屋 @852izakaya
📍地址：尖沙咀海防道38-40號中達大廈11樓
💸消費：300@
♡♡♡♡♡♡♡♡♡♡♡♡♡♡♡♡♡
张贴
