黑木亭居酒屋 (金馬倫道)

环境好阔落，几适合聚餐~而且在场有玉桂狗嘅装饰劲可爱，餐具都系玉桂狗主题，带埋小朋友嚟都好适合！松叶蟹芝士石锅海鲜饭 $279呢个真系劲正，本身以为系饭入面有啲蟹肉丝咁，点知直接俾咗半只松叶蟹！好贴心咁附埋铰剪，所以可以好顺利咁食～芝士味道劲香浓，饭入面仲有啲虾、鱿鱼、帆立贝等海鲜，劲足料饱足！A5宫崎和牛眼盖塔子$238牛肉下低系椰菜丝，有啲大板烧酱汁咁，牛肉烧得香之余，仲有啲生，劲嫩滑劲香口！另外仲有附芝士酱，食落就系劲罪恶嘅感觉牛油蒜蓉烧日本元贝 $48劲重蒜蓉，食落劲香劲爽～白身鱼刺身 $398份量非常足够，比起一般白身鱼会点嘅酸汁，佢呢度嘅酸汁比较重果味，亦有提供泰式酱汁同一个类似喼汁嘅酱，都系以酸味为主，因为刺身好新鲜，所以比较脆爽弹牙，好食！蓝蝶花佛手柑熊茶 $78 & 百香果荔枝梳打 $68前者比较似蜂蜜柠檬，后者就比较酸甜开胃，两个都好好饮，而且劲打卡able，好靓～～～