影片
更多
2021-09-06
16 浏览
Katsu Chicken Curry Fried / Swiss-Italian Cheese Fondue Momo $98尼泊尔菜系啲乜 其实我都唔知 不过目光就先被呢款望落似饺子似小笼包嘅Momo吸引Momo系呢间尼泊尔餐厅嘅两款signature dish之一 可以当佢系整法、用馅、酱料都有特色嘅饺子 睇menu会见到几colorful嘅卖相五颜六色 我试嘅两款分别系吉列咖喱鸡同芝士吉列鸡肉系煎炸煮法 会香口啲 咖喱酱就另外用细碟上 份酱配得唔错 几好食 而咖喱之外嘅另一款专属配酱系辣酱 辣度颇低至于芝士Momo就另一番口味 皮似有一定厚度嘅小笼包皮 馅系几实净下嘅芝士 配酱系他他酱 呢款比较干身 配酱食好食啲你会见唔同口味嘅Momo都有相应嘅专属酱料 几有诚意 上枱果阵店员都有介绍返咩酱配边一款 加上色彩缤粉嘅卖相 睇得又食得 我个人就几钟意吉列咖喱鸡口味Fire in the Hole – Lamb Roll $108好奈无食东南亚风味嘅羊肉卷先要提一提 我拣呢款系menu写嘅super spicy系列 落order果阵店员问我食唔食得辣 我问系咪very spicy 佢
Katsu Chicken Curry Fried / Swiss-Italian Cheese Fondue Momo $98
尼泊尔菜系啲乜 其实我都唔知 不过目光就先被呢款望落似饺子似小笼包嘅Momo吸引
Momo系呢间尼泊尔餐厅嘅两款signature dish之一 可以当佢系整法、用馅、酱料都有特色嘅饺子 睇menu会见到几colorful嘅卖相五颜六色 我试嘅两款分别系吉列咖喱鸡同芝士
吉列鸡肉系煎炸煮法 会香口啲 咖喱酱就另外用细碟上 份酱配得唔错 几好食 而咖喱之外嘅另一款专属配酱系辣酱 辣度颇低
至于芝士Momo就另一番口味 皮似有一定厚度嘅小笼包皮 馅系几实净下嘅芝士 配酱系他他酱 呢款比较干身 配酱食好食啲
你会见唔同口味嘅Momo都有相应嘅专属酱料 几有诚意 上枱果阵店员都有介绍返咩酱配边一款 加上色彩缤粉嘅卖相 睇得又食得 我个人就几钟意吉列咖喱鸡口味
Fire in the Hole – Lamb Roll $108
好奈无食东南亚风味嘅羊肉卷
先要提一提 我拣呢款系menu写嘅super spicy系列 落order果阵店员问我食唔食得辣 我问系咪very spicy 佢就话medium 而实情系会食到流汗 唔食得辣嘅朋友不宜挑战
讲返份肉卷 我一般都会拣羊肉馅 纯属个人喜好 而呢份羊肉卷都落重料 最先留意到系围喺皮边嘅蛋蛋 比较少见 另外除咗足料羊肉同埋分辨唔到嘅重口味配菜 食食下发现仲有薯条系当中 有几分彩蛋嘅感觉
如果两个人嚟share一份Momo一份Roll应该都够食 咁耐无食呢种重口味野我觉得几正 而且啲嘢食几有特色 食得西餐多不妨试下呢啲小众风味
Orange Blossom $42
叫咗杯orange口味嘅mocktail试下 呢度嘅mocktail全部用透明罐包装 自己系堆冰当中拣款 有一两片真orange系入面 感觉无汽 亦都唔甜 中和返重口味嘅嘢食啱哂
张贴
