臺坊 (加拿分道) (已結業)

自己一个闲逛喺尖沙嘴街头，谂紧食咩好之济就见到台坊呢间铺头，入到去先拣好餐点，再出去收银落单，比完钱就可以返埋位等嘢食~🤤盐酥鸡肉燥饭（$60）🍗用纸兜装住一上枱会觉得份量唔太多，好彩原来都食得饱，劲热辣辣，炸鸡有五粒，有汁唔会干晒身，都几够脆，调味香🤤可惜部分位置有少少鞋口难咬😢呢个饭话明系肉燥饭，所以啲肉燥食上去唔系平时食台式餐厅鲁肉𠮶阵香料味，比较似家常菜，不过都几好食，甜甜地，想要更加多等我唔洗省住食，不过又明嘅…好多铺头都比好少，至少呢间够捞全个饭😋白饭方面，煮得几好，粒粒分明有咬口，唔会烂晒变一大pat饭咁珍珠奶茶（跟餐+$8）🧋热饮少甜一上枱就感觉到佢真系劲劲劲热，要打开盖慢慢食完个饭先易入口少少，感觉佢应该系煮到滚晒，杀菌真系一流，饮落有茶香，奶味一般，甜度唔算太甜，珍珠几好咬，咬入去有甜香，以堂食跟餐嘅珍珠奶茶嚟讲水准几唔错🤩环境方面，铺面比较细，好彩今日自己食，求其有个空位就坐得，对住墙食都几好，可以唔洗望人咁尴尬，不过枱面有少少细，我谂呢间铺头都系预人食快餐或者叫外卖，见到都有好多打工仔叫外卖，不过餐厅位置细，佢哋企晒喺餐厅入面等都对堂食嘅人嚟讲有少少压力😵‍💫（