大川滬 (裝修中)

趁放假同屋企人去尖沙咀行吓街，朋友之前去过中港城一间中菜，就去试下，之前都唔知原来中港城平台位有餐厅。餐厅几开扬，日光洒入黎几正，坐得舒服。花雕醉鸡🐣花雕味好重，肉质好滑，冻食嘅鸡皮好正，啫喱咁。樟茶鸭🦆父母最钟意呢味𩠌，鸭熏得干身，唔会感觉油腻，食落都好香口。而且鸭肉好入味，唔使点酱都够味，食到好滋味。隔离几个馒头造型都好特别。韭黄蟮糊蟮肉一条条丝状，数量都唔少，而且已经起晒骨，配搭大量韭黄炒埋一齐，惹味。干煸四季豆每次食上海菜都一定会叫四季豆，食咁多肉食返啲菜中和下。四季豆同肉碎一起炒得好香口，仲有少少辣椒吊下味。