串燒殿 (已結業)

同屋企人行完尖沙咀好想食烧烤，经过见到呢间烧烤店就即兴试下😋，住附近嘅话仲可以手机落单，好方便！惹味蒜蓉烧茄子 $38烧茄子系烧烤必食小食之一！又香又惹味，不过味道都系偏小辣。烧蒜蓉粉丝大元贝 $58超大只嘅元贝配有大量粉丝，粉丝多到大约有半个碗嘅份量。蒜蓉小龙虾 $148小龙虾好大只，份量两个人食刚刚好，龙虾肉新鲜饱满多肉。锡纸花甲粉 $68呢碗花甲粉好辣，连我钟意食辣嘅朋友都认同有啲辣。但食花甲又想连同粉丝一齐食，唯有一啖花甲粉、一啖王老吉。个人觉得呢间店嘅烧烤比海鲜更出色！推荐食烧鸡软骨同汁烧原条鱿鱼筒 。烧鸡软骨6串 $78 汁烧原条鱿鱼筒 $65烧朱古力棉花糖多士 $48好甜，烧过嘅棉花糖搭配朱古力酱再加底层多士，脆卜卜。王老吉 $12食烧烤饮凉茶感觉健康啲🤣，所以每次有嘅话都会拣饮王老吉，特别系食辣嘅时候可以解辣。