保頓冰室

营业中

休息中

今日去尖沙咀海港城shopping，晚饭决定离开商场出去揾嘢食，第一时间谂到亚士厘道嘅餐厅，经过一间「保顿冰室」怀旧嘅装修被吸引著，餐厅地面铺上一格格怀旧嘅瓷砖，一张张透明玻璃面嘅方形木枱，加上墙身贴上怀旧嘅海报，令你有时光倒流嘅感觉，以前嘅回忆返晒嚟，加上高质嘅食物，真系冇得输。公司烩意粉用上冰室常用嘅材料，例如香肠，餐肉，火腿等等，跟意粉大兜乱，香浓嘅蕃茄酱汁将每一条意粉包着，口感一流，除此之外，意粉在铺上煎蛋和汉堡扒，用料十足。椒盐猪扒煎蛋猪油捞饭 出边好少餐厅可以食到猪油捞饭，所以决定试吓。首先猪扒份量颇多，肉质嫩滑，椒盐和辣椒嘅味道恰到好处。跟餐还奉上一支秘制酱豉油和一支猪油，芳香扑鼻嘅猪油加埋豉油跟白饭捞匀之后，将平平无奇嘅白饭升华，令你食唔停口。红豆冰椰汁和淡奶嘅份量刚好，跟红豆搅匀之后，能带出红豆嘅鲜甜，唔系咁多间餐厅可以调校出咁高嘅水准。