喫茶ちょうぼ

营业中

休息中

同朋友去咗 吃茶ちょうぼ，呢间位于K11商场嘅日式餐厅嘅嘢食充满惊喜，食物卖相好靓，好啱打卡。黄咖喱白露蟹肉蛋包饭 $165蛋包煎得嫩滑，切开里面系软绵绵嘅蛋液，配上一疏疏嘅蟹肉，每口都好鲜甜。黄咖喱嘅味道有微微嘅辛辣，佐饭一流。蟹肉同咖喱汁混合得啱啱好，真系一啖接一啖停唔到口。焦糖洋葱乌取和牛汉堡 $115。和牛汉堡扒煎得刚刚好，牛味浓郁，肉汁丰富。配埋焦糖洋葱嘅甜味，令牛肉嘅味道更加突出，成个味道层次好丰富。薯条炸得金黄香脆，完全唔油腻，简单但超满足。月见鸡皮饺子 $77呢个饺子好特别，鸡皮煎到香脆，内馅嫩滑，配埋温泉蛋拌住食，真系香口又有趣，鸡皮嘅脆同馅料嘅嫩形成强烈对比，味道好独特。甜品方面，试咗桂花乌龙布甸戚风蛋糕盛合 $115。布甸嘅乌龙茶香味好浓郁，唔会太甜，戚风蛋糕口感轻盈，再食埋粒甜甜嘅栗子，非常满足。焙茶麻糬沙冰 $52焙茶嘅香味好突出，麻糬烟韧，沙冰冰冻透心，饮完好解渴。二番甜薯牛乳 $58甜薯嘅天然甜味同牛奶嘅顺滑结合得非常好，饮落去口感丰富，唔会过甜。